Sad-ukti-karnaamrtam

maìgalam

prajïäà käm api sampadaà ca kurute yat-päda-saàvähanaà

nityaà çämyati viñva-gandha-tamasaà yac-cakñur unmélanät |

yat-pädärghya-payo vidhüya duritaà niùçreyasaà yacchati

svänte naù sa vasatv anäratam anäkhyeya-svarüpo hariù ||1||

prastävaù

çauryäëéva tapäàsi bibhrati bhayaà yasmin na yasyävadhir

jïäne däna iva dviñäm iva jayo yenendriyäëäà kåtaù |

samräjäm iva yoginäm api gurur yaç ca kñamä-maëòale

sa çréla-lakñmaëa-sena eka-nåpatir muktaç ca jévann abhüt ||1||

tasyäsét prati-räjatad-våta-mahä-sämanta-cüòämaëir

nämnä çré-baöu-däsa ity anupama-premaika-pätraà sakhä |

täpaà santamasaà harann aharahaù kértià dadhat kaumudéà

säkñäd akñaya-sünåtämåtamayaù pürëaù kalänäà nidhiù ||2||

çrémän çrédhara-däsa ity adhiguëädhäraù sa tasmäd abhüd

äkaumära-pära-pauruña-parädhénasya yasyäniçam |

lakñmér veda-vidäà gåheñu guëitä goñöhéñu vidyävatäà

bhaktiù çrépati-päda-opallava-nakha-jyotsnäsu viçrämyati ||3||

pratyekaà viñayeñu païcaka-mitaiù çlokaiù kavénäm idaà

tenäkäraëa-bändhavena vidadhe çré-sükti-karëämåtam |

prétià pallavayantu karëa-kala-sémäpürayantaç ciraà

majjantaù pariçélayantu rasikäù païca pravähän iha ||4||

amaräù çåìgära-caöü apadeçoccävace kramaçaù |

iti païcabhiù pravähaiù sad-ukti-karëämåtaà kriyate ||5||

amara-praväha-vécayaù

atha dhätä ravir éça-praëati-mahädeva-çiva-hara-kréòäù |

praçnottaräööahäsäv amuñya mürdhéttamäìga-gaìgä ca ||1||

mauli-çaçé koöéro muëòävalir akñi purabhidärambhaù |

bäëänaloñöa-mürtir bhairava-hara-täëòavärambhau ||2||

nåtyaà hara-prasädanam atha gauré pariëaya-stha-gauré ca |

çåìgäro giri-duhitur durgä kälé tathärdha-näréçaù ||3||

çåìgäré ca gajänana-çara-sambhava-bhåìgiëaù pramathäù |

atha hariharau sakäntau sura-sindhur jahn-kanyakäçaàsä ||4||

matsya-kamaöha-sükara-keçari-nåsiàha-päëi-janmänaù |

çåìgäré ca nåsiàho vämana-mürtis trivikramo bhågujaù ||5||

däçarathir eña virahé haladhara-jina-kalkino’tha kåñëasya |

çiçutä-kumära-bhävau svapnäyita-yauvana-kréòäù ||6||

praçnottaraà ca veëu-dhvananaà gétaà bhujaç ca giri-dharaëam |

utkaëöhä gopa-vadhü-sandeço harir amuñya bhaktiç ca ||7||

udadhi-mathana-harir ambudhi-mathanottha-çréù svayaàvaro lakñmyäù |

çré- çåìgäraù kamaläkamalopälabha-väk praçastenduù ||8||

candra-kalä çaçi-bimbaà prauòha-vidhuù saruci-candramä raçmiù |

jyotsnä kalaìka-tama-uòu-kairava-sahitendu-bhävaç ca ||9||

miçra-bahu-rüpakästaìgata-bahu-viñayendavo’tha gandhavahaù |

dakñiëa-nadé-samudra-prabhäta-bhinnaç ca puñpa-dhanvä ca ||10||

smara-çauryam athoccävacam iti païcopeta-navati-vécibhiù |

çrédhara-däsena kåtaù kåtinä deva-praväho’yam ||11||

deva-pravähaù

1. atha brahma-véciù

çambhoù säkñät sakhaikaù sura-pati-paro dharmaräjas tathänyaù

präëä viçvasya kasya prathamatara-mataù ko’nu sambhäñaëéyaù |

käryäyätän viditvä muhur iti caturo lokapäläàç caturbhir

vaktrair äbhäñamäëaù samam udita-ravaù pätu padmodbhavo vaù ||1||

pälitasya |

ägaskäriëi kälanemi-dalane tat-täòanärthaà ruñä

näbhé-paìkajam astratäà gamayituà jäne prayatne çriyaù |

äväsonmathanopapädita-bhaya-bhräntätmanaù sambhramäd

abrahmaëya-paräù purätana-muner väcaù prasédantu vaù ||2||

bhaööa-çréniväsasya | (Smv 2.108)

päyäd vo madhukaiöabhäsura-vadhe viñëu-prabodhoddhuro

dhätä vaktra-catuñöayaà tu yugapad yasyäbhavat-särthakam |

ekaà stauti mukhaà çiväm itarad apy ärtaà varän yäcate

daityau praty aparaà vitarjati haraty anyac chriyaù sambhramam ||3||

vasanta-devasya |

yan na kñuëëaà kadäcit tuhina-kaëa-caya-syandibhiç candra-pädair

näpi vyäléna-musrair nava-nalina-saro-bandhubhir bhänavéyaiù |

tat-kalpäntänuñaìgi drutam atanutamaù päöayantyaù samantäd

ädyädhétau vidhätur mukha-çaçi-visåtäù päntu vo danta-bhäsaù ||4||

béjakasya |

jätas te’dhara-khaëòanät paribhavaù käpälikädyo’bhavat

sa brahmädiñu kathyatäm iti muhur bälyäd guhe jalpati |

gauréà hasta-yugena ñaë-mukha-vaco roddhuà nirékñyäkñamäà

vailakñyäc caturäsya-niñphala-parävåttiç ciraà pätu vaù ||5||

(Srk 101, Smv 2.105)

2. süryaù

tuìgodayädri-bhujagendra-phaëopaläya

vyomendra-néla-taru-käïcana-pallaväya |

saàsära-sägara-samutkramiyogisärtha-

prasthäna-pürëa-kalasäya namaù savitre ||6||

varäha-mihirasya | (Srk 150)

viñvag-visäri-timira-prakarävaruddha-

trailokya-netra-puöa-siddha-rasäyanäya |

tubhyaà namaù kamala-ñaëòa-viñäda-nidrä-

vidrävaëodyata-karäya diväkaräya ||7||

çré-kaëöhasya |

çuka-tuëòa-cchavi savituç caëòa-rucaù puëòaréka-vana-bandhoù |

maëòalam uditaà vande kuëòalam äkhaëòaläçäyäù ||8||

vidyäyäù | (Srk 149, Spd 86)

jéyäd eka-phalaà nabhas-tala-taror abhraàçi sindüriëé

mudrä kairava-känanasya timira-steyäya sandhir divaù |

mandära-stavakontarékña-kavaré-bhärasya gauré-pateù

kampilla-cchada-päöala-cchavi kulac-chatraà raghüëäà raviù ||9||

hareù |

ädyünas tamasäà cakora-ramaëé-rägäbdhi-manthäcalo

jévätur jalajasya väsava-diçä-çailendra-cüòämaëiù |

ädeñöä çruti-karmaëäà kumudiné-çokägni-pürëähutir

devaù soma-rasäyanaà vijayate viçvasya béjaà raviù ||10||

vibhäkarasya |

3. éça-praëatiù

maulau vegäd udaïcaty api caraëa-bhara-nyaïcad-urvétalatväd

akñuëëa-svarga-loka-sthiti-mudita-sura-çreñöha-goñöhé-stutäya |

saàträsän niùsaranaty avirata-viñajad-dakñiëärdhäìga-

bandhäd atyaktäyädri-putryä tirpurahara-jagat-kleça-hantre namas te ||11||

bäëasya | (Srk 56)

namas tuìga-çiraç cumbi-candra-cämara-cärave |

trailokya-nagarärambha-müla-stambhäya çambhave ||12||

tädåk-sapta-samudra-mudrita-mahé-bhübhådbhir abhraà-kañais

tävadbhiù pariväritä påthu-dvépaiù samantäd iyam |

yasya sphära-phaëä-maëau nilayanät tiryak-kalaìkäkåtiù

çeñaù so’py agamad yad-aìgada-padaà tasmai namaù çambhave ||13||

ballaëasya |

namas tasmai kasmaicana vacana-vittendriya-yamé

yam éçänaà jyotirmayam ayam upäste munijanaù |

gurüpajïa-prajïä-mukura-nikuramba-pratiphalan

nijänanda-jyotsnäbhyudaya-bhiduräjïäna-timiraù ||14||

hareù |

våñadhana dhanada-priya priyärdha-

grathana-vidagdha vidagdha-citta-yone |

purahara hariëäìka-cüòa cüòä-

bhujaga-bhayaìkara dhürjaöe namas te ||15||

bhojadevasya |

4. mahädevaù

çilpaà tréëi jaganti yasya kavitä yasya trivedé guror

yaç cakre tripura-vyayaà tripathagä yan-mürdhni mälyäyate |

trén kälän iva vékñituà vahati yo visphürjad-akñëäà trayaà

sa traiguëya-paricchedo vijayate devas triçüläyudhaù ||16||

vasukalpa-dattasya | (Srk 30)

arväïcat-païca-çäkhaù sphurad-upari-jaöä-maëòalaù saàçritänäà

nityäparëo’pi täpatritayam apanayan sthäëur avyäd apürvaù |

yaù pronmélat-kapardaiù çirasi viracitäbäla-bandhe dyu-sindhoù

päthobhir labdha-sekaù phalati phala-çataà väïchitaà bhakti-bhäjäm ||17||

jahnoù |

kämaà mä kämayadhvaà våñam api ca bhåçaà mädriyadhvaà na vitte

cittaà datta çrayadhvaà param amåta-phalä yä kalä täm ihaikäm |

itthaà devaù smarärir våñam adhara-caré-kåtya  mürtyaiva ditsan

niùsvo viçvopadeçänamåta-kara-kaläçekharas träyatäà vaù ||18||

kavi-paëòita-çréharñasya |

bhüti-vyäjena bhümém amara-pura-sarit-kaitaväd ambu bibhral-

läläöäkñi-cchalena jvalanam ahipati-çväsa-lakñyaà saméram |

vistérëäghora-vaktrodara-kuhara-nibhenämbaraà païca-bhütair

viçvaà çaçvad vitanvan vitaratu bhavataù sampadaà candra-mauliù ||19||

jayadevasya |

péyüñeëa viñeëa tulyam açanaà svarge çmaçäne sthitir

nirbhedäù payaso’nalasya vahane yasyäviçeña-grahaù |

aiçvaryeëa ca bhikñayä ca gamayan kälaà samaù sarvato

devaù svätmani kautuké haratu vaù saàsära-päçaà haraù ||20||

vaidya-gadädharasya |

5. çivaù

vedänteñu yam ähur eka-puruñaà vyäpya sthitaà rodasé

yasminn éçvara ity ananya-viñayaù çabdo yathärthäkñaraù |

antaryaç ca mumukñubhir niyamita-präëädibhir mågyate

sa sthäëuù sthira-bhakti-yoga-sulabho niùçreyasäyästu vaù ||21||

kälidäsasya | (Vik. 1.1)

kaëöha-cchäya-miñeëa kalpa-rajaném uttaàsa-mandäkiné-

rüpeëa pralayäbdhim ürdhva-nayana-vyäjena kalpä-jalam |

bhüñäpannaga-keli-pänakapaöäd ekonapaïcäçataà

vätän apy upasaàharann avatu vaù kalpänta-çäntau çivaù ||22||

cittapasya |

kväpy agniù kvacid adri-bhür nara-çiraù-kérëä kvacin nimnagä

rükñä kväpi jaöä kvacid viñadharä raudraà viñaà kutracit |

tädåg bhüta-gaëair våto mama citäbhasmormi-kirméritaù

saàsäraà pratimucya yätur apunar-yogäya panthäù çivaù ||23||

bilhaëasya |

nirmätä jagad-artham eva vacasäà väcaà yamo yaù svayaà

bhogän viçva-kåte tanoti viñaya-vyävartitätmendriyaù |

dhatte’sträëi jaganti rakñitum udäsénaù sva-deha-grahe

yogéndro’stu sadä-çivaù sa bhavatäà bhütyai parärtha-vraté ||24||

vaidya-gadädharasya |

düronmukta-khageçvare murabhidi vyäkñipta-bähau graha-

vyühe värita-mätariçvani namaty äçä-paténäà gaëe |

niñkamporaga-hära-vallir acalac-cüòendur avyäkula-

svaù-sindhuù sthira-yoga-nirvåta-manäù päyät trilokéà çivaù ||25||

tasyaiva |

6. hara-çåìgäraù

evaà sthäpaya subhru bähu-latikäm evaà kuru sthänakaà

nätyuccair nama kuïcitägra-caraëaà mäà paçya tävat kñaëam |

gauréà nartayataù sva-vaktra-murajenämbhodhara-dhväninä

çambhor vaù sukhayantu lambhita-layacchedähatäs tälikäù ||26||

yogeçvarasya | (Srk 60)

tasyä näma mayä kathaà katham api bhräntyä samuccäritaà

jänäsy eva mamäçayaà tava kåte gauri prasannä bhava |

kñäntiù svékriyatäà dayävati mayi krodhaù parityajyatä-

mityevaà bahu jalpataù smara-ripoù premäïjaliù pätu vaù ||27||

cakrapäëeù |

bälaù sundari candramäù sruta-sudhä-dhäräbhiräpyäyito

nidräm eti phaëéçvaraù suradhuné ruddhä jaöä-vallibhiù |

itthaà manmatha-keli-kautuka-vidhau vréòävatéà pärvatéà

päyäd vaù pratibodhayan navavadhüà candrärdha-cüòämaëiù ||28||

kakkolasya |

çrutiù saktä mugdhe vacasi vadanendau nipatitä

dåçaù svädau bimbädhara-madhuni magnaiva rasanä |

niñaëëäbhün näsä nija-parimale çaila-duhitu-

rghanäçleñänande vapur api vilénaà purabhidaù ||29||

umäpati-dharasya |

düre däru-vanäbhisäraka måñä cäöüni muïcädhunä

bhüyas tvaà punar apy ahaà yadi tadä candraù kñitià yäsyati |

ity uktaù çaçi-maulir adri-sutayä cüòendu-bhü-lambhana-

vyäja-vyaïjita-päda-padma-patana-préta-priyaù pätu vaù ||30||

kavi-paëòita-çré-harñasya | (Smv 2.8)

7. çivayoù praçnottaram

kasmät pärvati niñöhuräsi sahaja çailédbhavänäm idaà

niùsnehäsi kuto na bhasma-paruñaù snehaà kvacin nindati |

kopas te mayi niñphalaù priyatame sthäëau phalaà kià bhaved

itthaà nirvacanékåto dayitayä çambhuù çiväyäs tu vaù ||31||

bhojadevasya | (Srk 35)

kià gauri mäà prati ruñä nanu gauù kim asmi

kupyämi kaà prati mayéty anumänato’ham |

jänämi satyam aunämanata eva sa tvam

itthaà giro giribhuvaù kuöilä jayanti ||32||

rudraöasya | (Kävyälaìkära 2.15, Smv 99.6)

keyaà mürdhny andhakäre timiram iha kutaù subhru käntendu-yukte

käntäpy atraiva kämin nanu jalam umayä påñöam etävad eva |

nähaà dvandvaà karomi vyapanaya çirasas türëam enäm idäném

evaà proktaà bhavän yä prativacana-jaòaù pätu vo manmathäriù ||33||

kasyacit ||

eñä te hara kä sugätri katamä mürdhni sthitä kià jaöä

haàsaù kià bhajate jaöäà na hi çaçé candro jalaà sevate |

mugdhe bhütir iyaà kuto’tra salilaà bhütis taraìgäyate

itthaà yo vinigühate tripathagäà päyän sa vaù çåìgäraù ||34||

kasyacit | (Sv 67)

dhanyä keyaà sthitä te çirasi çaçikalä kià nu nämaitad asyä

nämaiväsyäs tad etat paricitam api te vismåtaà kasya hetoù |

näréà påcchämi nenduà kathayatu vijayä na pramäëaà yadéndur

devyä nihnotum icchor iti surasaritaà çäöhyam avyäd vibhor vaù ||35||

viçäkha-dattasya | (Mudrä-räkñas 1.1, Smv 99.1)

8. hara-häsyam

päëau kaìkaëam utphaëaù phaëipatir netraà jvalat-pävakaà

kaëöhaù kuëöhita-käla-küöa-kuöilo vastraà gajendräjinam |

gauré-locana-lobhanäya subhago veño varasyeti me

gaëòolläsa-vibhävitaù paçupater häsodgamaù pätu vaù ||36||

rudraöasya | (ST 3.2a)

uddäma-danta-ruci-pallavitärdha-candra-

jyotsnä-nipéta-timira-prakarävarodhaù |

çreyäàsi vo diçatu täëòavitasya çambhor

ambhodharävali-ghana-dhvanir aööahäsaù ||37||

saìghamitrasya | (Srk 41)

mätar brühi kim etad aïjali-puöe tätena gopäyitaà

vatsa svädu-phalaà prayacchati na me gatvä gåhäëa svayam |

mätraivaà prahite guhe vighaöayaty äkåñya sandhyäïjalià

çambhor bhagna-samädhi-ruddha-manaso häsyodgamaù pätu vaù ||38||

yogeçvarasya | (Srk 59)

nirvighnaà ghana-sära-sära-viçada-svar-loka-kalloliné-

kallola-pratimalla-bähu-calanair vyäptäntaräla-çriyaù |

çambhoù sambhavad-aìga-hära-taralottaàsämåtäàçu-drava-

präëät präëi-kapäla-cäpala-dåço häsormayaù päntu vaù ||39||

väcaspateù ||

bhåìgé kas tava carcike guha na ko’py äkära ekas tu nau

satyaà bhåìgariöe susatyam anåtaà lokaà tu moöir vadet |

nagnaà påcchatam astu väà pariëayaikätmatvam ity udbhaöa-

stäv utsåjya saparñadaù paçupater häsyodgamaù pätu vaù ||40||

9. hara-çiraù

tvaìgad-gaìgam udaïcad-indu-çakalaà bhraçyat-kapälävali-

kroòa-bhrämyad-amanda-märuta-caya-sphärébhavad-bhäìkåti |

päyäd vo ghana-täëòava-vyatikara-präg-bhära-kheda-skhala-

dbhogéndra-çlatha-piìgalotkaöa-jaöäjüöaà çiro dhürjaöeù ||41||

vérya-mitrasya | (Srk 42)

sandhyä-täëòavitasya khaëòa-paraçor avyäj jaganti jvalal-

läläöäkñi-puöodbhavänala-çikhäléòhendu-lekhaà çiraù |

bhraçyat-kåtti calan-mahähi-vigalad-vyomäpagämbu-skhalat-

khaëòendücchala-bhüti-caöula-bhrämyaj-jaöä-santati ||42||

yogeçvarasya |

 dhümodbhedänabhijïa-sphurad-ana,am anäghräta-paìkädhikära-

preìkhat-kallola-väri-vyatikaram anagha-sparça-jägrat-kapälam |

ajïätästa-tri-yämä-dayitam avidita-präëi-hiàsoraga-srag-

bhüteçasya prabhütädbhutam avatu çiraù çreyasäà santatià vaù ||43||

vaidya-gadädharasya |

näöyävega-viniùsåta-tripatha-gäväri-pravähäkulaù

çéghra-bhränti-vaçäl laläöa-nayana-jvälä-taòid-bhéñaëaù |

muëòälé-kuhara-prasarpad-aniläsphäla-prayukta-dhvaniù

prävåö-käla ivoditaù çiva-çiro-meghaù çiväyäs tu vaù ||44||

kasyacit |

antaù-svékåta-jähnavé-jalam atisvacchanda-ratnäìkura-

çreëé-çoëa-bhujaìga-näyaka-phaëäcakrél lasat-pallavam |

bhüyäd abhuyadäya mokña-nagara-prasthäna-bhäjam itaù

pratyüha-praçamaika-pürëa-kalaça-präyaà çiro dhürjaöeù ||45||

jalacandrasya |

10. hara-çiro-gaìgä

kapäle gambhéraù kuhariëi jaöä-sandhiñu kåçaù

samuttänaç cüòäbhujaga-maëi-bandha-vyatikare |

mådur lekhäkoëe raya-vaça-vilolasya çaçinaù

punétäd dérghaà vo hara-çirasi gaìgä-kala-kalaù ||46||

yogeçvarasya | (Srk 53)

sa jayati gäìga-jalaughaù çambhor uttuìga-mauli-viniviñöaù |

majjati punar unmajjati candra-kalä yatra çapharéva ||47||

kasyacit | (Srk 45)

yac-candrakoöi-kara-koraka-bhäva-bhäji

babhräma babhruëi jaöä-paöale harasya |

tad vaù punätu hima-çaila-çilä-nikuïja-

sätkära-òambara-virävi suräpagämbhaù ||48||

kasyacit | (Sk 1.77)

gauré-vibhajyamänärdha-saìkérëe hara-mürdhani |

amba dviguëa-gambhére bhägérathi namo’stu te ||49||

kasyacit | (Srk 78, Smv 1.24)

muktäbhä nåkapäla-çuktiñu jaöä-valléñu mallénibhä-

bahvau läjanibhä dåçor maëi-nibhä bhogotkare bhoginaù |

nåtyävarta-parampareritapayaù mürcchanocchälitäù

khelanto hara-mürdhni päntu bhavato gaìgäpayo-bindavaù ||50||

naòa-gäìgokasya || Spd 106, Smv 2.53)

11. hara-çiraç-candraù

sa vaù päyäd indur nava-visalatäkoöi-kuöilaù

smarärer yo mürdhni jvalana-kapiçe bhäti nihitaù |

sravan-mandäkinyäù prati-divasa-siktena payasä

kapälenonmuktaù sphaöika-dhavalenäìkura iva ||51||

räjaçekharasya |

vyaléke pärvatyäù parilaghulavair aïjana-juñaù

patadbhir bäñpasya krama-likhita-lakñmyä vijayate |

lasal-lélä-candraç caraëa-gata-mauleù smara-jitaù

kiradbhiù svajyotsnänakha-maëibhir äpürita-kaëaù ||52||

vämanasya |

çambhor indu-kalä çivaà viçatu vo yasyäù prati-cchäyikäà

trisrotaù-patitäm aneka-kuöilébhävaà gatäà vécibhiù |

senänér avalokate dhvaja-paöäkütena kätyäyané

mallé-däma-sméhayä nija-vadhü-bodhena nägädhipaù ||53||

umäpateù |

amudrakumuda-tviñaù sphurita-phena-lakñé-spåço

maräla-kula-vibhramäù çaphara-phäla-lélä-bhåtaù |

jayanti girijäpates tarala-mauli-mandäkiné-

taraìga-caya-cumbinas tuhina-dédhiter aàçavaù ||54||

umäpati-dharasya |

cyutäm indor lekhäà ratikalaha-bhagnaà ca valayaà

dvayaà cakrékåtya prahasita-mukhé çaila-tanayä |

avocad yaà paçyedty avatu sa çivaù sä ca girijä

sa ca kréòä-candro daçana-kiraëäpürita-kalaù ||55||

vararuceù | (Srk 47, Sv 66, Spd 96)

12. hara-jaöä

jvälevordhva-visarpiëé pariëatasyäntas tapas tejaso

gaìgä-toya-taraìga-sarpa-vasatir valméka-lakñmér iva |

sandyevärdra-måëäla-komala-tanor indoù sahasthäyiné

päyäd vas taruëäàçu-kapilä çambhor jaöä-saàhatiù ||56||

ravinägasya | (Srk 55)

cüòäpéòa-nibaddha-väsuki-phaëäphütkära-niryad-viña-

jvälä-jåmbhita-matsya-kaccapa-vadhü-léòhendu-lekhämåtam |

avyäd vaù smara-südanasya madana-kréòä-kacäkarñaëaç

cyotan-näka-sarit-saroña-girijä-dåñöaà jaöä-maëòalam ||57||

bhavabhüteù |

kvacid amara-sarit kvacit kapälaà

kvacid uragäù kvacid aindavé ca lekhä |

iti viñama-vibhüñaëair upetä

pramatha-pater avatäj jaöäöavé ||58||

daëòinaù |

utpatreva dåçorciñä kusumitevendoù karair bhogibhiù

säroheva jaöäöavé phalatu vaù çreyo bhaväné-pateù |

yat-paryanta-vivartinaù sura-sarit-pürasya bhüri-sphurat-

pheneëòüka-viläsam aïcati vidher jérëä kapälävalé ||59||

umäpati-dharasya |

mülävanaddha-bhujagendra-kåtälaväla-

bandhäù skhalat-tridaça-sindhu-jalaugha-siktäù |

unmukta-candra-kusumä jagatäà hitäya

çambhor jaöäù kanaka-kalpa-latäù phalantu ||60||

daìkasya |

13. hara-kapälaù

çäntyai vo’stu kapäla-däma jagatäà patur yadéyäà lipià

kväpi kväpi gaëäù paöhanti padaço näti-prasiddhäkñaram |

viçvaà srakñyati vakñyati kñitim apäm éçiñyate çiñyate

nägän rägiñu raàsyate syati jagan nirvekñyati dyäm iti ||61||

kasyacit | (Srk 54)

gäòha-granthi-praphullad-gala-vikala-phaëä-péöha-niryad-viñägni-

jväläniñöapta-candra-dravad-amåta-rasa-proñita-preta-bhäväù |

ujjåmbhä babhru-netra-dyuitm asakåd-asåk-tåñëayälokayantyaù

päntu tväà  näga-näla-grathita-çava-çiraù-çreëayo bhairavasya ||62||

bhavabhüteù | (Srk 39)

jayati bhujaga-rajju-granthi-niñpéòitendu-

sravad-amåta-nivåtta-preta-bhävaiù kapälaiù |

viracitanuti-bandho mürdhni sadyaù puräreù

pariëata-bahu-kalpa-brahmaëäà brahma-ghoñaù ||63||

kasyacit | (Sk 1.84)

liptä läläöa-netra-sphurad-uru-dahana-jväla-jäla-pratäpot-

tämyat-koöér abhära-sthira-çaçi-çakala-prasrutäbhiù sudhäbhiù |

antar-nåtya-pramoda-pracalita-çiraç candramauleù kapäläù

kalyäëaà vaù kriyäsuù stutim abhidhatas täëòaväòambareñu ||64||

narasiàhasya |

päyäd vaù sa çiräàsi täëòava-vidhau yan mürdhni khinnoraga-

çväsägni-druta-cüòa-candra-sudhayä präëanty akasmäd vidheù |

åk-säme katicit paöhanti katicin majjanti gaìgä-jale

svätmänaà katicin mananti katicin netränale juhvati ||65||

vämadevasya |

14. hara-nayanam

dhüma-çyämaka-kumbhi bhüdhara-taöa-truydyad-dåñanti sphuöä-

öopolluëöhita-sägarämpi vikala-vyäloka-bhäsvanti ca |

dåpyat-türëa-marunti kätaratara-bhraçyaj-jaganti prabhor

udyanti tripuränta-kånti nayanäd arcéàñi puñyantu vaù ||66||

kasyacit |

yaj-jyotir dvädaçärkaà hima-giri-duhitur yan niçä-keli-dépo

yat kandarpästhi-bhasmé-karaëa-taruëitäbhyantara-jväla-lekham |

kalpänte juhvato yat tribhuvana-samidhaà vedhasaù puëya-vahnir

bibhräëaà babhru-käntià trinayana-nayana-jyotir astu çriye vaù ||67||

aàçudharasya |

änanda-stimitäù samädhiñu mukhe gaur yä viläsälasäù

sambhräntäù kñaëam adbhutäù kñaëam atha smerä nije vaikåte |

krüräù kåñöa-çaräsane manasije  dagdhe ghåëä-küëitäs

tat-käntäruditeçrupüra-taraläù çambhor dåçaù päntu vaù ||68||

kasyacit |

pakñmälé-piìgalimnaù kaëa iva taòitäà yasya kåtsnaù samüho

yasmin brahmäëòaméñad-vighaöita-mukule kälayajvä juhäva |

arcir niñöapta-cüòä-çaçi-galita-sudhäghora-jhäìkäri-koëaà

tärtéyokaà purärer tad avatu madana-pléñaëaà locanaà vaù ||69||

bhavabhüteù | (Mm 1, after 5.2; Spd 99)

ekaà yoga-niyojanän mukulitaà cakñur dvitéyaà punaù

pärvatyä jaghana-sthale stana-taöe çåìgära-bhävälasam |

anyad düra-vikåñöa-cäpa-madana-krodhänaloddépitaà

çambhor bhinna-rasaà samädhi-samaye netra-trayaà pätu vaù ||70||

çréharñadevasya |

15. tripura-dähärambhaù

saàrabdhäìghri-niveçanäd anibhåtaà sarvaàsahä-vigrahe

vétälambanam ärasätalam adho-vistraàsini syandane |

yäte dåk-patha-düratäà mayapure devasya bhüta-prabhor

dräg-viçvambhara-bäëa-mokña-viñayo yatnaù çiväyästu vaù ||71||

vaidya-gadädharasya |

cäpotkñepäpasarpad-valaya-phaëi-guëottaàsitäpäìga-bhitti-

pratyäléòhänubandhocchalita-jala-nidhi-vyäpta-velopakaëöham |

unmélad-bhäla-vahni krama-çithila-jaöälambi-gaìgendulekhaà

bhüyäd vaç candramauler maya-nagara-bhidaù sauñöhavaà maìgaläya ||72||

jalacandrasya |

saìvyänäàçuka-pallaveñu taralaà veëé-guëeñu sthitaà

mandaà kaïcuka-sandhiñu stana-taöotsaìgeñu déptärciñam |

älokya tripurävarodhana-vadhü-vargasya dhüma-dhvajaà

hasta-srasta-çaräsano vijayate devo dayärdrekñaëaù ||73||

mayürasya | (Srk 61)

väëébhüta-puräëa-püruña-dhåti-pratyäçayä dhävite

nidrätékñaëa-jäçu-çukñaëi-kaëa-klänte çakunteçvare |

namronnamra-bhujaìga-puìgava-guëa-vyäkåñöa-bäëäsana-

kñiptästrasya puradruho vijayate sandhäna-sémäçramaù ||74||

muräreù | (Ar 7.114, Srk 31)

dåñöaù sa-prema devyä kim idam iti bhayät sambhramäc cäsurébhiù

çäntäntas-tattva-säraiù sakaruëam åñibhir viñëunä sasmitena |

äkåñyästraà sa-garvair upaçamita-bandhu-saàbhramair daitya-véraiù

sänandaà devatäbhir mayapura-dahane dhürjaöiù pätu yuñmän ||75||

bhaööa-näräyaëasya | (Vs 1.3)

16. hara-bäëaù

kñipto hastävalagnaù prasabham abhihato’py ädadäno’àçukäntaà

gåhëan keçeñv apästaç caraëa-nipatito nekñitaù sambhrameëa |

äliìgan yo’vadhütas tripura-yuvatibhiù säçru-netrotpaläbhiù

kämévärdräparädhaù sa dahatu duritaà çämbhavo vaù çarägniù ||76||

amaroù | (Amaru 2; Srk 49)

sindüra-çrér laläöe kanaka-rasa-mayaù karëa-päçävataàso

vaktre tämbüla-rägaù påthu-kuca-kalase kuìkumasyänulepaù |

daityädhéçäìganänäà jaghana-parisare läkñika-kñauma-lakñmé-

raçreyäàsi kñiëotu tripura-hara-çarodgära-janmänalo vaù ||77||

maìgalasya | (Srk 67)

viñvag vyädhüya dhüma-pracaya-yavanikäà sphäyamäna-sphuliìga-

vyäjäd avakérya puñpäïjalim upari padaà nyasyato mandiräëäm |

svacchandäbhoga-sémä mahati mayapure datta-raudräìga-räga-

vyäptäçeñasya viçveçvara-çara-çikhinas täëòavaà naù punätu ||78||

vaidya-gadädharasya |

bäñpair vétäìga-räga-cchaviñu viracayann accha-dhüma-cchaöäbhiù

kastüré-patra-mäyäà maya-nagara-vadhü-varga-vakñoruheñu |

äsämläna-puñpa-stavaka-nava-kaläm aàçubhiù kuntaleñu

vyäkurvann andhakäraà haratu hara-çarodgära-janmänalo vaù ||79||

jala-candrasya |

cäpaà muñöir bhavänyäù sarasija-mukula-çréù kathaà vä vidhatte

pratyäléòhaà kathaà vä racayatu maëiman nüpuro väma-pädaù |

itthaà yävad vitarkaà vidadhati vibudhäs tävad agre ya äséd

väëägniù pluñöa-daityo maya-pura-mathane dhürjaöeù so’vatäd naù ||80||

17. añöa-mürtiù

payodänäà panthäù kavala-viñayo vä parimalaà

vahan bibhräëo vä suhåd-apasuhåd vä jalaruhäm |

dadad gåhëäno vä havir iti muhur yasya vibudhäù

stuvanty añöau mürtéù sa jagad avatäd andhaka-ripuù ||81||

çré-hanümataù |

dik-kälätma-samaiva yasya vibhutä yas tatra vidyotate

yaträmuñya sudhébhavanti kiraëä räçeù sa yäsäm abhüt |

yas tat-pittam uñaùsu yo’sya vidhaye yas tasya jévätave

voòhä yad gaëam eña manmatha-ripos täù päntu vo mürtayaù ||82||

cittapasya | (Kuval. 105-6)

maulià nenokti bhälaà tilakayati tanor aìga-rägaà vidhatte

dhammillaà sandadhäti prathayati çirasi vyaktam uttaàsa-lakñmém |

sampréëéte bhujaìgän apanayati rasaà vetti saàmoda-mudräà

yäbhiù çåìgära-bandhas tanubhir iva çivas täbhir astu çriye vaù ||83||

jalacandrasya |

yäà dhammilla-pade’bhiñiïcati yayä sandhyäsu baddhäïjalir

yäm äyamya yad-ätmakäni nayanäny ämélya yäà dhyäyati |

yäà ca syandanatäà ninäya sahitas täbhiù svayaà mürtibhir

devo viçva-tanuù punätu sa jagac-candrärdha-cüòämaëiù ||84||

sudhäkarasya |

yä såñöiù srañöur ädyä vahati vidhi-hutaà yä havir yä ca hotré

ye dve kälaà vidhattaù çruti-viñya-guëä yä sthitä vyäpya viçvam |

yäm ähuù sarva-béja-prakåtir iti yayä präëinaù präëavantaù

pratyakñäbhiù prapannas tanubhir avatu vas täbhir añöäbhir éçaù ||85||

kälidäsasya | (Çak 1.1)

18. bhairavaù

khaöväìgékåta-dhümaketu-dhaöita-pretädhiräö-païjara-

prota-brahma-çiraù kapäla-valayaà bibhraj-jaöä-maëòalam |

kaëöhe sapta-maharñi-vaktra-racitäm ekävalém udvahan

päyäd vaù sulabha-vratopakaraëaù kalpänta-käpälikaù ||86||

kasyacit |

sadyaù pradhvasta-deväsura-sarasa-çiraù-çreëi-çoëäravinda-

srag-dämänaddha-mürter ghana-rudhira-kaëa-klinna-carmäàçukasya |

niñparyäya-triloké-bhava-kavala-rasa-vyätta-vaktrasya jéyäd

änandaù käla-rätré-kuca-kalasa-parérambhiëo bhairavasya ||87||

umäpati-dharasya |

vaikuëöhasya karaìkam aìka-nihitaà srañöuù kapälaà kare

pratyaìgaà ca vibhüñaëaà viracitaà näkaukasäà kékasaiù |

bhasma sthävara-jaìgamasya jagataù çubhraà tanau bibhrataù

kalpänteñu kapälino vijayate raudraà kapäla-vratam ||88||

bhavabhüteù |

ekämbhodhé-kåtäyäà bhuvi jagad akhilaà nirjanékåtya khelan 

devaù kälé-sahäyaù prasabha-viharaëonmukta-léläööa-häsaù |

sadyo daàñöräàçu-bhinne tamasi nija-vapur-bimbam älokya kas tvaà

kas tvaà brühéti kopäd abhidadhad abhayaà bhairavaç ceñöatäà vaù ||89||

vaidya-gadädharasya |

kalpänte çayita-trivikrama-mahä-kaìkäla-danté sphurac-

cheña-syüta-nåsiàha-päëi-nakhara-protädi-kolämiñaù |

viçvaikärëavatä-nitäntam uditau tau matsya-kürmäv ubhau

karñan dhévaratäà gato’sya tu mahä-mohaà mahä-bhairavaù ||90||

cittapasya | (Smv 2.24)

19. hara-nåtyärambhaù

ärdräà kaëöhe mukhäbja-srajam avanamayaty ambikä jänulambäà

sthäne kövendulekhäà niviòayati jaöäpannagendreëa nandé |

kälaù kåttià nibadhnäty upanayati kare käla-rätriù kapälaà

çambhor nåtyävatäre pariñad iti påthag vyäpåtä vaù punätu ||91||

çatänandasya | (Srk 76, Smv 2.29)

nandin khaïjana-maïju-nädam urajaà saàgåhya sajjébhava

kuñmäëòänaya bhasma-bhäjanam ito lambodarägamyatäm |

skandaà nandaya mandirodara-gataà devéti raìgäìgaëe

çambhos täëòava-maëòanairka-manasaù saàjalpitaà pätu vaù ||92||

yogeçvarasya |

bho bho dik-patayaù prayäta parataù khaà muïcatämbhomucaù

pätälaà vraja medini praviçata kñoëé-talaà kñmäbhåtaù |

brahmann unnaya düram ätma-sadanaà devasya no nåtyataù

çambhoù saàkaöam etad ity avatu vaù protsäraëä nandinaù ||93||

tasyaiva | (Srk 74, Smv 2.30)

asthény asthény ajinam ajinaà bhasma bhasmendur indur

gaìgä gaìgoraga uraga ity äkuläù sambhrameëa |

bhüñäd änopakaraëa-gaëa-präpaëa-vyäpåtänäà

nåtyärambha-praëayini çive päntu väco gaëänäm ||94||

dhanapälasya | (Sk 2.235, Smv 2.27)

kñoëi kñobhaà kñamasva tvam api kuru mahä-kürma karma svakéyaà

bho bhoù kailäsameru-prabhåti-kula-dharä-dhäriëo gacchatädhaù |

brahmann udgaccha düraà kuruta jaladhayaù sthairyam ity añöa-mürter

bhartur nåtyävatäre sarabhasa-gaditäù päntu vo nandi-väcaù ||95||

dvaipäyanasya |

20. hara-nåtyam

bhrämyad-viçvaàbharäëi bhrami-calana-namat-kürma-kumbhé-nasäni

truñöyat-täräëi riìgad-dhariëa-dhara-çiraù-çreëé-çéryad-dåñanti |

dik-kéreodaïcad ampi dravad-amara-camü-cakra-caïcad-viyanti

vyasyantu vyäpadaà vas tripura-vijayinas täëòavärambhaëäni ||96||

räjaçekharasya |

heläpädra-pratäpän namad-avani-bharäkränta-kürmeça-çeña-

prodbhüta-çväsa-vätocchalad-udadhi-payo-dhauta-süryendu-täram |

bhrämyad-doù-saìgha-vegäpatad-acala-kula-dhväna-saàtrasta-viçvaà

trailokyaiçvaryakäri dyatu tava duritaà täëòavaà candramauleù ||97||

väcchokasya |

uttänäù kati vellitäù kati rayäd äbhugna-madhyäù kati 

kñiptotkñipta-vikuïcitäù kati bhujäs tauryatrikänukramät |

kalpänteñu mahä-naöasya jhaöiti prakränta-cakra-bhrami- 

bhräntau kevalam agni-häsa-garalair lekhä-trayaà pätu vaù ||98||

sägaradharasya |

päyäd vaù sura-dérghikä-jala-raya-bhrämyaj-jaöä-maëòalé-

vega-vyäkula-näganäyaka-phaëä-phütkära-vätocchalam |

saptämbhonidhi-janma-caëòa-laharé-majjan-nabho-maëòala-

gräsa-trasta-suräìganä-kalakala-kréòä-vilakño haraù ||99||

brahma-hareù | (Srk 68, karkaräjasya)

sandhyä-täëòava-òambara-vyasanino bhémasya caëòa-bhrami-

vyänåtyad-bhuja-daëòa-maëòala-bhuvo jhaïjhäaniläù päntu vaù |

yeñäm ucchalatäà javena jhagiti vyüheñu bhümébhåtäm

uòòéneñu viòaujasä punar asau dambholir älokitaù ||100||

kasyacit | (Srk 50, Smv 2.31)

21. hara-prasädanam

niùçaìkaà çaìkara kara-grathitähi-bhoga

bhoga-prada pradalitämara-vairi-vånda |

våndärakärcita citäbha-sitäìga-räga

rägätidüra duritäpahara praséda ||101||

bäëasya |

kara-kalita-pinäka näkanätha

dviñad-uru-mänasa-çüla çüla-päëe |

bhava våñabha-vimäna mäna-çauëòa

trijagad-akäraëa-täraka praséda ||102||

saïcädharasya |

kaöu-viçikha-çikhi-prapaïca païcä-

nana dhanada-priya-mitra mitra-netra |

dhåta-sakala-vikalpa kalpa-çeña-

prakaöa-mahä-naöa näöaya prasädam ||103||

tasyaiva |

bhava çiva çava-bhasma-gaura gauré-

grathita-çaréra sarésåpottaréya |

smarahara hara bhéma bhéma-bhüta-

prakara-bhayaìkara çaìkara praséda ||104||

tasyaiva |

dhåta-nidhana-dhanuù pracaëòa caëòé-

mukha-kamala-bhramarämarädhinätha |

hara raëa-raëakänta känta-mürte

gagana-duküla vikülayäpadaà naù ||105||

tasyaiva |

22. gauré

yän uddhülayatéçvaraù sikatilä yair mauli-mandäkiné

yair bälendu-kaëärdra-ketaka-dalotsaìge parägäyitam |

yaiù kailäsa-viläsa-känana-taöé-kaìkelli-puñpodgama-

kréòä-kärmaëam adrijä-caraëayos te reëavaù päntu vaù ||106||

umäpati-dharasya |

läkñä-rägaà harati çikharäj jähnavé-väri yeñäà

ye tatvanti srajam adhijaöä-maëòalaà mälaténäm |

pratyutsarpad-vimala-kiraëair yais tirodhänam indor

devyäù sthäëau caraëa-patite te nakhäù päntu viçvam ||107||

kasyacit | (Srk 81, dakñasya)

bhava-jaladhi-jalävalamba-yañöir

mahiña-mahäsura-çaila-vajra-dhärä |

hara-hådaya-taòäga-räja-haàsé

diçatu çivaà bhavataç ciram ||108||

bhagératha-dattasya | (Srk 86)

käà tapasvé gato’vasthäm iti smeräv iva stanau |

vande gauré-ghanäçleña-bhava-bhüti-sitänanau ||109||

bhavabhüteù |

abhimata-phala-siddhi-siddha-manträ-

vali balijit-parameñöinor upäsye |

bhagavati madanäri-näri vande

nikhila-nagädhipa-bhartå-därike tväm ||110||

vämadevasya |

23. viväha-samaya-gauré

gonäsäya viyojitägadarajäù sarpäya baddhauñadhiù

kaëöha-sthäya viñäya vérya-mahataù päëau maëén bibhraté |

bhartur bhüta-gaëäya gotra-jaraté-nirdiñöa-manträkñarä

rakñatv adri-sutä viväha-samaye prétä ca bhétä ca vaù ||111||

räjaçekharasya | (Vsb 1.3, Srk 102, Smv 2.36)

pratyäsanna-viväha-maìgala-vidhau devärcana-vyastayä

dåñövägre pariëetur eva likhitäà gaìgädharasyäkåtim |

unmäda-smita-roña-lajjita-rasair gauryä kathaàcic ciräd

våddha-stré-vacanät priye vinihitaù puñpäïjaliù pätu vaù ||112||

bhäsasya | (Srk 88, Spd 102, Smv 2.37)

brahmäyaà viñëur eña tridaçapatir asau loka-päläs tathaite

jämätä ko’tra yo’sau bhujaga-parivåto bhasma-rükñaù kapälé |

hä vatse vaïcitäséty anabhimata-vara-prärthanä-vréòitäbhir

devébhiù çocyamänäpy upacita-pulakä çreyase vo’stu gauré ||113||

kasyacit |

dhüma-vyäkula-dåñöir indu-kiraëair ähläditäkñé punaù

paçyanté varam utsukä nata-mukhé bhüyo hriyä brahmaëaù |

serñyä päda-nakhäccha-darpaëa-gatäà gaìgäà dadhäne hare

sparçäd utpulakä kara-graha-vidhau gauré çiväyästu vaù ||114||

çréharñadevasya | (Priya-darçikä 1.1)

pädägre sthitayä muhuù stana-bhareëänétayä namratäà

çambhoù saspråhalocana-traya-pathaà yäntyä tad-ärädhane |

hrématyä çirasé-hitaù sapulaka-svedodgamotkampayä

viçliñyan kusumäïjalir girijayä kñipto’ntare pätu vaù ||115||

tasyaiva | (Ratnävali 1, Smv 2.38)

24. gauré-çåìgäraù

svedas te katham édåçaù priyatame tvan-netra-vahner vibho

kasmät kampitam etad induvadane bhogéndra-bhéter bhava |

romäïcaù katham eña devi bhagavan gaìgämbhasäà çékarar

itthaà bhartari bhäva-gopana-parä gauré ciraà pätu vaù ||116||

lakñmédharasya | (Srk 75, Spd 104)

çambho satyam idaà payodhi-mathane lakñmyä våte keçave

vailakñyät kila käkaküöam açitaà pétaà viñaà yat tvayä |

satyaà pärvati nästi naù subhagatä säkñé tathä ca smaro

deveneti kåta-småtiù smita-mukhé gauré ciraà pätu vaù ||117||

çréharñadevasya |

carmälambi-duküla-vallari-citäbhasmävadhüta-stano-

nmélac-candanam uttaréya-bhuja-gavyäsakta-muktävali |

mugdhäyä api çailaräja-duhitur gaìgädhäräliìganaà

gäòha-prema-rasänubandha-nikaña-grävä çiväyäs tu vaù ||118||

jalacandrasya |
 

çirasi kuöilä sindhur doñäkaras tava bhüñaëaà

saha viñadharaiù pratyäsannä piçäca-paramparä |

harasi na hara präëän eva na veda kathaà nv iti

praëaya-kupita-kñmäbhåt-putré-vacäàsi punantu vaù ||119||

bhagavad-govindasya |

nädatte phaëi-kaìkaëa-praëayinaà néévé-niveçe karaà

no cüëair upahanti bhälanayana-jyotirmayéà dépikäm |

dhatte carma hareëa muktam api na dvaipaà bhayäd ity asau

päyäd vo nava-mohana-vyatikara-vréòävaté pärvaté ||120||

äcärya-gopékasya |

25. durgä

ekaà mahiña-çiraù-sthitam

aparaà sänanda-sura-gaëa-praëatam |

giri-duhituù pada-yugalaà

çoëita-maëi-räga-raïjitaà jayati ||121||

jalacandrasya |

tribhuvana-çubha-païjikäïjikeva

sphurati bhaväni taväìkuçaù karägre |

òamarur api bibharti devi tat tad

vipad-avasäna-visarjanéya-lakñmém ||122||

hareù |

jyäkåñöi-baddha-khaöakämukha-päëi-påñöha-

preìkhan-nakhäàçu-caya-saàvalito’mbikäyäù |

tväà pätu maïjarita-pallava-karëapüra-

lobha-bhramad-bhramara-vibhrama-bhåt-kaöäkñaù ||123||

amaroù | (Amaru 1; Srk 100)

pädävañöambhanamrékåta-mahiña-tanor ullasad-bähu-mülaà

çülaà prolläsayantyäù saralita-vapuño madhya-bhägasya devyäù |

viçliñöa-spañöa-dåñöonnata-virala-bahu-vyakta-gauräntaräläs

tisro vaù päntu rekhäù krama-vaça-vikasat-kaïcuka-pränta-muktäù ||124||

bäëasya |

vidräëe rudra-vånde savitari tarale vajriëi dhvasta-vajre

jätäçaìke çaçäìke viramati maruti tyakta-vaire kubere |

vaikuëöhe kuëöhitäs te mahiñam atiruñaà pauruñopaghni-vighnaà

nirvighnaà nighnaté vaù çamayatu duritaà bhüri-bhävä bhaväné ||125||

tasyaiva |

26. kälé

yad-vakträkäça-çeño nabhasi na sulabho yad-bhujänäà sahasraiù

preìkhadbhiù kéryamäëäsvanur api vidito nävakäço diçäsu |

païca gräsä na yasyäs tribhuvanam abhavat püraëärthaàa samastaà

kñëòt-kñämäkäëòa-caëòé ciram avatutaräà bhairavé käla-rätriù ||126||

bhäsokasya |

çikhaëòe khaëòenduù çaçi-dinakarau karëa-yugale

gale tärähäras-taralam uòu-cakraà ca kucayoù |

taòit-käïcé sandhyäsicaya-racitä käli tad ayaà

taväkalpaù kalpa-vyuparama-vidheyo vijayate ||127||

kasyacit |

nirmäàsa-prakaöästhi-jäla-vikaöäà pätäla-nimnodaréà

küpa-kroòa-gabhéra-netra-kuharäm unnaddha-jüöäöavém |

dantäntargata-daitya-kékasa-kaëa-vyäkarñaëa-vyäpåta-

krüraikägra-nakhäm akhaëòita-rucaà tväà caëòi vandämahe ||128||

kasyacit |

täräntar-jvalad-agni-lakña-nayana-çvabhränta-kåpäntaräà

kruddägastya-nirasta-väridhi-payaù-pätäla-nimnodarém |

vande tväm ajitävåtotkaöa-siräpåñöhästhi-säräkåtià

daàñöräkoöi-taöotpatiñëu-ditijäsåk-carcitäà carcikäm ||129||

umäpati-dharasya |

jayati tava küëitekñaëam açnatyä daçana-peñam asurästhi |

kalpa-çikhi-sphuöad-adri-kväëa-karälaù kaòatkäraù ||130||

çatänandasya |

27. ardha-näréçaù

sa jayati girikanyä-miçritäçcary-mürtis

tripura-yuvati-lélä-vibhrama-bhraàça-hetuù |

upacayavati yasya pronnataika-stanatväd

upari bhujaga-häraù sthäna-vaiñamyam eti ||131||

mäghasya |

äçleñädhara-bimba-cumbana-sukhäläpa-smitänyäsatäà

düre tävad idaà mitho na sulabhaà jätaà mukhälokanam |

itthaà vyartha-kåtaika-deha-ghaöanä-vinyäsayor ävayoù 

keyaà préti-vidambanety avatu vaù smero’rdha-näréçvaraù ||132||

kasyacit | (Sv 68)

candrälokaya paçya pannaga-pate vékñadhvam etad-gaëäù

kämäreù stana-bhära-mantharam uro läkñäruëäìghri-çriyaù |

äkarëya tridaçäpagä-giram imäà solläsam äbhäñitäà

vréòä-smera-natänano vijayate käntärdha-näréçvaraù ||133||

yogeçvarasya |

svacchandaika-stana-çrér-ubhaya-gata-milan-mauli-candraù phaëéndra-

präcénävéta-vähé sukhayatu bhagavän ardha-näréçvaro vaù |

yasyärdhe viçva-däha-vyasana-visåmara-jyotir ardhaà kåpodyad-

bäñpaà cänyonya-vega-prahati-simasimäkäri cakñëò-småtéyam ||134||

muräreù | (Ar 7.38, Smv 2.21)

dhammillaà ca jaöäà ca mauktika-saraà cähià ca ratnäni ca

brahmästhéni ca kuìkumaà ca nå-çiraç cürëottaraà bhasma ca |

kñaumaà ca dvipa-carma caika-vapuñä bibhrad-diçann ekatäà

bhävänäm iva yoginäà diçatu vaù çreyo’rdhanäréçvaraù ||135||

çaìkara-devasya |

28. çåìgärätmakärdha-näréçvaraù

ardhaà danta-cchadasya sphurati japa-vaçäd ardham apy utprakopäd

ekaù päëiù praëantuà çirasi kåta-padaù kñeptum anyas tam eva |

ekaà dhyänän nimélaty aparam avikasad vékñate netram itthaà

tulyän icchä-vidhitsä tanur avatu sa vo yasya saàdhyä-vidhäne ||136||

kasyacit |

acchinna-mekhalam alabdha-dåòhopagüòham

apräpta-cumbanam avékñita-vaktra-känti |

käntä-vimiçra-vapuñaù kåta-vipralambha-

sambhoga-sakhyam iva pätu vapuù smaräreù ||137||

chittipasya |

prauòha-prema-rasäd abheda-ghaöitäm aìge dadhänaù priyäà

devaù pätu jaganti keli-kalahe tasyäù prasädäya yaù |

vyähartuà praëayocitaà namayituà mürdhänam apy akñamo

dhatte kevalam eva väma-caraëämbhoje karaà dakñiëam ||138||

gadädharasya |

miçrébhütäà tava tanulatäà bibhrato gauri kämaà

devasya syäd avirala-parérambha-janmä pramodaù |

kintu prema-stimita-madhura-snigdha-mugdhä na dåñöir

dåñöety antaùkaraëam asakåt tämyati tryambakasya ||139||

bhagérathasya | (Srk 82)

anyasyai saàpratéyaà kuru madana-ripo sväìga-däna-prasädaà

nähaà soòhuà samarthä çirasi sura-nadéà näpi saàdhyäà praëantum |

ity uktvä kopa-biddhäà vighaöayitum umäm ätma-dehaà pravåttäà

rundhänaù pätu çambhoù kuca-kalasa-haöha-sparça-kåñöo bhujo vaù ||140||

mayürasya |

29. gaëeçaù

ekaù sa eva paripälayatäj jaganti

gauré-giréça-caritänukåtià dadhänaù |

äbhäti yo daçana-çünya-mukhaika-deça-

dehärdha-härita-vadhüka ivaka-dantaù ||141||

vasukalpasya | (Srk 94)

kapoläd uòòénair bhaya-vaça-vilolair madhukarair

madämbhaù-saàlobhäd upari patituà baddha-paöalaiù |

calad-barha-cchatra-çriyam iva dadhäno’tiruciräm

avighnaà herambo jagad-agha-vighâtaà ghaöayatu ||142||

tasyaiva | (Srk 93)

sandhyä-sindüra-rägäruëa-gagana-taläsaìgi-gaìgottamäìga-

tvaìgan-nakñatra-mäläkåta-rucira-ruciù karëa-çaàkhé-kåtenduù |

nistoyaämbhoda-våndaiù çruti-yugala-calac-cämarä-òambara-çrér

avyäjälaìkåtir vaù pravitaratu gaëa-grämaëér maìgaläni ||143||

daìkasya |

garjad-gabhéra-ghana-gharghara-ghora-ghoña-

digdanti-bhéti-jananodgata-kaëöha-nädaù |

dhunvan mukhaà tava nirasyatu sarva-vighnaà

lambodaraù sahajanäöhyarasa-pravåttaù ||144||

päpäkasya |

devendra-mauli-mandära-makaranda-kaëäruëäù |

vighnaà harantu heramba-caraëämbuja-reëavaù ||145||

umäpati-dharasya ||

30. kärttikeyaù

svecchä-ramyaà luöhitvä pitur urasi ciraà bhasma-dhülé-citäìgo

gaìgä-väriëy agädhe jhaöiti hara-jaöä-jüöato datta-jhampaù |

sadyaù sétkära-käré jala-jaòima-raëa-hanta-paìktir guho vaù

kampé päyäd apäyäj jvalita-çikhi-çikhe cakñuñi nyasta-hastaù ||146||

bäëasya | (Srk 91, Smv 2.43)

arciñmanti vidärya vaktra-kuharäëy äsåkkato väsukes

tarjanyä viña-karburän gaëayataù saàspåçya dantäìkurän |

ekaà tréëi naväñöa sapta ñaò-ativyastästa-saìkhyä-kramä

väcaù çaktidharasya çaiçava-kaläù kurvantu vo maìgalam ||147||

kasyacit | (Srk 95, Spd 105)

suptaà pakña-puöe niléna-çirasaà såñövä mayüraà puraù

kåttaà kena çiro’sya täta katham ity äkrandataù çaiçavät |

antarhäsa-pinäki-päëi-yugala-sphälollasac-cetasas

tan-mürdhekñaëa-harñitasya hasitaà päyät kumärasya vaù ||148||

kasyacit | (Srk 96)

haàsa-çreëi-kutühalena kalayan bhüñä-kapälävaléà

bäläm indukaläà måëäla-rabhasäd ändolayan päëinä |

raktämbhoja-dhiyä ca locana-puöaà läläöam udghäöayan

päyäd vaù pitur aìka-bhäk çiçu-jana-kréòonmukhaù ñaë-mukhaù ||149||

balabhadrasya | (Srk 92)

nälair nélotpalänäà racita-guru-jaöä-jüöa-vinyäsa-çobhaù

kåtvä saàbhugna-koöi-dvayam atha visiné-kandam indoù pradeçe |

mätuç citräàçukena tvacam ucita-pade pauëòarékéà vidhäya

kréòärudräyamäëo jagad avatu guho vékñyamäëaù pitåbhyäm ||150||

haläyudhasya |

31. bhåìgé

dig-väsä yadi tat kim asya dhanuñä sästrasya kià bhasmanä

bhasmäthäsya kim aìganä yadi ca sä kämaà paridveñöi kim |

ity anyonya-viruddha-ceñöitam idaà paçyan nija-svämino

bhåìgé sändra-çirävanaddha-paruñaà dhatte’sthi-çeñaà vapuù ||151||

yogeçvarasya (Srk 103, Sv 2399)

kasmät tvaà täta gehäd aparam abhinavä brühi kä tatra värtä

devyä devo jitaù kià våña-òamaru-citä-bhasma-bhogéndra-candrän |

ity evaà barhinäthe kathayati sahasä bhartå-bhikñä vibhüñä

vaiguëyodvega-janmä jagad avatu ciraà häravo bhåìgiréöeù ||152||

tuìgokasya | (Srk 98)

carceyaà kñudhitä sadaiva gåhiëé putro’py ayaà ñaë-mukho

duñpürodara-bhära-manthara-vapur-lambodaro’pi svayam |

ity evaà sva-kuöumbam eka-våñabho devaù kathaà pokñatéty

älokyeva viçuñka-païjara-tanur bhåìgé ciraà pätu vaù ||153||

néläìgasya |

bhikñäbhojini kåttiväsasi vasu-präptiù kutaù syäd iti

präg ardhaà vapuñaù svayaà vyasanino yasyäharat pärvaté |

tasyärdhaà kupitä haöhäd yadi haren mürdhni sthitä jähnavé

hä nätha kva tadeti duùstha-hådayo bhåìgé bhåçaà çuñyati ||154||

bhavänandasya |

seväà no kurute karoti na kåñià väëijyam asyästi no

paitryaà nästi dhanaà na bändhava-balaà naivästi kaçcid gaëaù |

dyüta-stré-vyasanaà na muïcati tathäpéças tad asmät phalaà

kià me syäd iti cintayann iva kåço bhìgé ciraà pätu vaù ||155||

kasyacit |

32. gaëoccävacam

sthülo düramayaà na yäsyati kåço naiña prayäëa-kñamas

tenaikasya mamaiva tatra kaçipu-präptiù paraà dåçyate |

ity ädau paricintitaà pratimuhus tad-bhåìgi-küñmäëòayor

anyonya-pratikülam éça-çivayoù päëigrahe pätu vaù ||156||

kasyacit | (Srk 99)

carcäyäù katham eva rakñati sadä sadyo nå-muëòa-srajaà

caëòékeçariëo våñaà ca bhujagän sünor mayüräd api |

ity antaùparibhävayan bhagavato dérghaà dhiyaù kauçalaà

küñmäëòo dhåti-sambhåtäm anudinaà puñëäti tunda-çriyam ||157||

kasyacit | (Srk 97)

devé sünum asüta nåtyata gaëäù kià tiñöhatety udbhuje

harñäd bhåìgariöävayäcita-girä cämuëòayäliìgite |

avyäd vo hata-dundubhi-svana-ghana-dhvänätiriktas tayor

anyonya-pracalästhit-païjara-raëat-kaìkäla-janmä ravaù ||158||

yogeçvarasya | (Srk 71, Smv 2.55)

çåìgaà bhåìgin vimuïca tyaja gaja-vadana tvaà ca läìgüla-mülaà

mandänando’si nandinn alam abala mahäkäla kaëöha-graheëa |

ity uktvä néyamänaù sukhayatu våñabhaù pärvaté-päda-müle

paçyann akñair vilakñaà valita-gala-calat-kambalaà tryambakaà vaù ||159||

abhinandasya | (Srk 77)

dig-väsä våña-vähano nara-çiro-dhäré dadhäno’jinaà

bhikñur bhasma-bhujaìga-bhüñita-tanur bhütair bhraman känanam |

smartèëäà çiva-kåt tathäpi jagati jyeñöho’smadéyaù prabhur

dhanyo’sméty atitoña-puñöa-jaöharaù küñmäëòako’vyäj jagat ||160||

mahänidheù |

33. hariharau

yad baddhärdha-jaöaà yad-ardha-mukuöaà yac-candra-mandärayor

dhatte dhäma ca däma ca smita-lasat-kundendra-néla-çriyoù |

tat khaöväìga-rathäìga-saìga-vikaöaà çré-kaëöha-vaikuëöhayor

vande nandimahokñatärkñya-pariñan-nämäìkam ekaà vapuù ||161||

räjaçekharasya | (Srk 1639)

niyamita-jaöä-vallé-lélä-prasupta-mahoragaà

caraëa-kamala-pränte mukta-sva-vikrama-go-våñam |

vitata-phaëi-bhuk-patra-cchatraà gadä-laguòa-çriyaà

hari-hara-vapur-brahmopäsyaà punätu jagat trayam ||162||

bhavänandasya |

yena dhvasta-manobhavena balijit-käyaù purästrékåto

yo gaìgäà ca dadhe’ndhaka-kñaya-karo yo barhi-patra-priyaù |

yasyähuù çaçimac-chiro hara iti stutyaà ca nämämaräù

so’vyäd iñöa-bhujaìga-hära-valayas täà sarvado mädhavaù ||163||

bhäraveù | (Sv 44, Smv 2.104)

ekävasthitir astu vaù pura-mura-pradveñiëor devayoù 

präleyäïjana-çaila-çåìga-subha-gacchäyäìgayoù çreyase |

tärkñya-träsa-vihasta-pannaga-phaöä yasyäà jaöäpälayo 

bälendu-dyuti-koça-supta-jalajo yasyäà ca näbhé-hradaù ||164||

tuìgokasya |

yaj-jambü-kambu-rociù phaëadhara-pariñad-bhoji-bhogéndra-käntaà

nandac-candräravinda-dyuti-caraëa-çiraù-syandi-mandäkinékam  |

rakñä-saàhära-dakñaà madana-samudayoddépanaà çaçvad avyäd

avyäghätaà vibodhe’py udadhi-giri-sutä-käntayor deham ekam ||165||

jalacandrasya |

34. käntäsahita-hariharau

sambhoga-spåhayälu-manmatha-punar-janmäspadaà bhür bhuvaù

svaù päyät puruñottama-kratubhidor ardhärdha-pürëaà vapuù |

yal-lakñmé-girijä-kaöäkña-kuöila-kréòä-haöhäkåñöibhiù

syäd eva truöitaà paraspara-guëa-syütaà na ced antarä ||166||

tripuräri-pälasya |

vapur avatu jaöä-kiréöa-miçraà

pura-mura-südanayor vimiçritaà vaù |

girija-laghi-sutä-svabhartå-kaëöha

graha-calitähåta-bähu-vallarékam ||167||

tasyaiva |

sphaöika-marakata-çré-häriëoù préti-yogät

tad avatu vapur ekaà käma-kaàsa-dviñor vaù |

na viramati bhavänyäù särdham abdher duhiträ

sadåça-mahasi kaëöhe yatra sémä-vivädaù ||168||

yogeçvarasya | (Spd 110, Smv 2.103)

devasyaikatamäla-patra-mukuöasyärdhaà pura-dveñiëo

dehärdhena samasyamänam asamaà çvaù-çreyasäyäs tu vaù |

yasmin bhüdhara-kanyakäbdhi-sutayor apräpta-sambhogayor

anyonya-pratikarma-narma-bhiduro bhüyän anaìga-jvaraù ||169||

hareù |

dhäträ sauhåda-séma-vismita-mukhaà bheda-bhramäpäsanät

sänandaà munibhiù sa-nirvåti surair ekatra sevä-sukhät |

pärvatyä svapadävakåñöi-kuöila-bhrü-bhaìgam älokitaù

päyäd vo bhagaväàç caräcara-gurur dehärdha-häré haraù ||170||

äryäviläsasya |

35. gaìgä

brähmaà tejo dvijänäà jvalayati jaòima-prakramaà hanti buddher

våddhià sekena sadyaù çamayati valino duñkåtänokahasya |

ürdhvaà caivätra lokäd api nayatitaräà janmino magna-mürtéàs

tvad-dhärä-väri käçé-praëayini paritaù prakriyä kédåçéyam ||171||

kolähalasya |

durvära-doña-timirägama-väsara-çréù

kaivalya-kairava-vikäsa-sitäàçu-lekhä |

jéyät triviñöapadhuné kali-käla-bhagna-

gérväëa-räja-nagaräkara-vaijayanté ||172||

graheçvarasya |

térthäöanaiù kim adhikaà kñaëam ékñitä cet

pétaà tvad-ambu yadi devi mudhä sudhäpi |

snätaà yadi tvayi viriïci-padaà na düre

muktiù kare yadi ca sä samupäsitäsi ||173||

viriïceù |

téraà tavävataratéha yathä yathaiva

dehena devi jaratä munajo mumürñuù |

amba svayaàvara-vaçaàvada-näkanäré

dorvalli-pallavi nabho’pi tathä tathaiva ||174||

tasyaiva |

taptaà yan na tapo hutaà ca na havir yaj jäta-vedo mukhe

dattaà yac ca na kiàcid eva na kåto yat tértha-yäträdaraù |

käkeneva çuneva kevalam ayaà yat püritaù pudgalo

mätas tväà parirabhya jähnavi sa me çänto’yam antarjvaraù ||175||

sentutasya |

36. gaìgä-praçaàsä

dharmasyotsava-vaijayanti-mukuöa-srag-veëi-gaurépates

tväà ratnäkara-patni jahnu-tanaye bhägérathi prärthaye |

tvattoyänta-çilä-niñaëëa-vapuñas tvad-vécibhiù preìkhatas

tvan-näma smaratas tad-arpita-dåçaù präëäù prayäsyanti me ||176||

lakñmédharasya | (Srk 1613, Sk 4.183)

çatrau me suhådéva käpy upakåtir bhüyäd asüyä na tu

sväcchyaà satsu matir janeñu karuëä hénä na dénätmasu |

prakñéëä kali-kalmaña-kñaya-karé tåñëä na kåñëärcane

devi çraddadhatäà gatis tvayi mudä mandä na mandäkini ||177||

tasyaiva |

praséda çré-gaìge måòa-mukuöa-cüòägra-subhage

tavollolonmülaù skhalatu mama saàsära-viöapé |

athotpatsye bhüyas trijagad adhiräjo’pi na tadä

çvapäkaù käko vä bhagavati bhaveyaà tava taöe ||178||

pädukasya |

kadä te sänandaà vitata-nava-dürväïcita-taöé-

kuöére tére vä savanam anu manv-ädi-kathitaiù |

kathä-bandhair andhaìkaraëa-karaëa-gräma-niyamäd

yamäd ujjhan bhétià bhagavati bhaveyaà pramuditaù ||179||

gopécandrasya |

baddhäïjalir naumi kuru prasädam

apürva-mätä bhava devi gaìge |

ante vayasyaìga-gatäya mahyam

adeha-bandhäya payaù prayaccha ||180||

kevaööapapépasya |

37. harer matsyävatäraù

matsyaù punätu jagadoìkåti-kuïcitäsyo

brahmädvaya-praëaya-pévara-madhya-bhägaù |

kréòann asau jaladhi-vécibhir eva neti

nety ädaräd iva vibhävita-puccha-kampaù ||181||

ävantya-kåñëasya |

devyäù çruter danuja-durëayadüñitäyä

bhüyaùsamudgamavidhävavalamba-bhümiù |

ekärëavébhavad-açeña-payodhi-madhya-

dvépaà vapur jayati ména-tanor muräreù ||182||

umäpati-dharasya |

brahmäëòodara-darpaëe bhrami-rayotkñiptämbudhi-kñälite

saàkräntäm animeña-locana-yugenotpaçyataù sväà tanum |

çaurer ména-tanoù kåçänu-kapiçaà pärçva-dvayaà prollasac-

candrärkäìkita-käïcanädri-çikharäkäraà çiraù pätu vaù ||183||

vasanta-devasya |

pätu tréëi jaganti pärçva-kañaëa-prakñuëëa-diì-maëòalo

naikäbdhi-stimitodaraù sa bhagavän kréòä-jhañaù keçavaù |

tvaìgan-niñöhura-påñöha-roma-khacita-brahmäëòa-bhäëòävadher

yasyotphäla-kutühalena katham apy aìgeñu jérëäyitam ||184||

raghunandasya | (Srk 135)

matsyaù pucchäbhighätena tucchékåta-mahodadhiù |

aparyäpta-jala-kréòä-raso diçatu vaù çivam ||185||

kasyacit |

38. kürmaù

påñöha-bhrämyad amanda-mandara-giri-grävägra-kaëòüyanän

nidräloù kamaöhäkåter bhagavataù çväsäniläù päntu vaù |

yat-saàskära-kalänuvartana-vaçäd velä-chalenämbhasäà

yätäyätam ayantritaà jala-nidher nädyäpi viçrämyati ||186||

keçaöäcäryasya | (BhP 12.13.2; Srk 105, väkpatiräjasya; Sv 36)

kñéräbdhau mathyamäne tridaça-danu-sutonmukta-kolähalaughe

brahmäëòa-käëòa-caëòa-sphuöana-guru-rava-bhränti-bhäji-trilokyäm |

sadyo nirdävabodhäd upari raya-vaça-kñipta-dérgha-kñitidhä-

lagna-gréväprakäëòo jayati kamaöha-räö caëòa-viñkambha-tulyaù ||187||

vasusenasya |

päyäd vo mandarädri-bhramaëa-nikañaëäkåñöa-påñöhägra-kaëòü-

lénänidrälur abdheù kñubhitam agaëayann adbhutaù kürma-räjaù |

yasyäìga-marda-helä-vaça-calita-mahä-çaila-kélä dharitré

tvaìgat-kallola-ratnäkara-valaya-calan-mekhalä nåtyatéva ||188||

süreù |

pärçväsphälätivegäj jhagiti ca virahäd ucchaladbhiù patadbhir

bhüyo bhüyaù samudrair mihira-mati-rayäd äpibadbhir vamadbhiù |

koöéras toya-dänäà kñaëam iva gagane darçayan vaù punétäd

pñad gäträvaheläcalita-vasumaté-maëòalaù kürma-räjaù ||189||

dharaëédharasya |

kurmaù kürmäkåtaye haraye muktävalambanäya namaù |

påñöhe yasya niñaëëaà çaivala-vallé-samaà viçvam ||190||

bhavänandasya |

39. varähaù

daàñöräpiñöeñu sadyaù çikhariñu na kåtaù skandha-kaëòü-vinodaù

sindhuñv aìgävagähaù khura-kuhara-viçat-toya-tuccheñu näptaù |

präptäù pätäla-paìke na luöhanaratayaù potramätropayukte

yenoddhäre dharitryäù sa jayati vibhutä-båàhiteccho varähaù ||191||

varäha-mihirasya | (Srk 134)

asti çré-stana-patra-bhaìgam akaré-mudräìkitoraù-sthalé

devaù sarva-jagat-patir madhu-vadhü-vakträbja-candrodayaù |

kréòä-kroòa-tanor navendu-viçade daàñöräìkure yasya bhür

bhäti sma pralayäbdhi-palvala-talotkhätaika-mustäkåtiù ||192||

nagnasya | (Srk 104)

seyaà candrakaleti näga-vantiänetrotpalair arcitä

mad-bhäräpagama-kñameti phaëinä sänandam älokitä |

diì-nägaiù saralé-kåtäyata-karaiù spåñöä måëäläçayä

bhittvorvém abhiniùsåtä madhuripor daàñörä ciraà pätu vaù ||193||

keçavasya |

ghoëäghoräbhidhätocchalad-udadhi-jaläsära-siktägra-romä

romägra-prota-tärä-nikara iti surair dhéram älokito vaù |

çväsäkåñöävakåñöa-praviçad apasarad budhna-bimbänubandhäd

ävir naktaà dina-çréù sa diçatu durita-dhvaàsam ädyo varähaù ||194||

narasiàhasya |

yenädhomukha-padminé-dala-dhiyä kürmaç ciraà vékñito

ghräto yena måëäla-mugdha-latikä-buddhyä phaëi-grämaëéù |

yaù çälükam ivoddadhära dharaëé-bimbaà punétäd asau

tväm ekärëava-palvalaika-rasikaù kréòä-varäho hariù ||195||

kasyacit |

40. narasiàhaù

somärdhäyita-niñpidhäna-daçanaù sandhyäyitäntarmukho

bälärkäyita-locanaù suradhanur lekhäyita-bhrü-lataù |

antar-näda-gabhéra-palvala-galatvag-rüpa-niryat-taòit-

tärasphära-saöävaruddha-gaganaù päyän nåsiàho jagat ||196||

muräreù |

caöac-caöini carmaëi ccham iti cocchala-cchoëite

dhagad-dhag iti medasi sphuöataro’sthiñu ñöhäd iti |

punätu bhavato harer amara-vairi-näthorasi

kvaëatkaraja-païjara-krakaca-käña-janmä ravaù ||197||

väkpatiräjasya | (Srk 116, Spd 126, Smv 2.77)

preìkhad-bhäsvara-keçaraugha-racita-trailokya-sandhyätapo

brahmäëòodara-rodhi-gharghara-saghütkära-pracaëòa-dhvaniù |

sphürjad-vajra-kaöhora-nakhara-kñuëëäsuroraù-sthalé

raktäsväda-vidérëa-dérgha-rasanaù päyän nåsiàho jagat ||198||

tasyaiva |

cakra brühi vibho gade jaya hare kambo samäjïäpaya

bho bho nandaka jéva pannaga-ripo kià nätha bhinno mayä |

ko daityaù katamo hiraëyakaçipuù satyaà bhavadbhyaù çape

kenästreëa nakhair iti pravadataù çaurer giraù päntu vaù ||199||

keçaöasya |

kià kià siàhas tataù kià nara-sadåça-vapur deva citraà gåhéto

naivaà dhik ko’tra jéva drutam upanaya taà so’pi sampräpta eva |

cäpaà cäpaà na khaògaà jhaöiti hahahahä karkaçatvaà nakhänäm

ity evaà daitya-räjaà nija-nakha-kuliçair jaghnivän so’vatäd vaù ||200||

çré-vyäsa-pädänäm | (Srk 128, Smv 2.76)

41. narasiàha-nakhäù

daàñöräsaìkaöa-vaktra-gharghara-lalaj-jihväbhåto havya-bhug-

jvälä-bhäsvara-bhüri-keçara-saöäbhärasya daitya-druhaù |

vyävalgad balavad dhiraëyakaçipu-kroòa-sthalé-päöana-

spañöa-prasphuöad-asthi-païjara-rava-krürä nakhäù päntu vaù ||201||

dakñasya | (Srk 141)

ye bälendu-kalärdha-vibhrama-bhåto mäyä-nåsiàhäkåter

niryätä iva ye siräsaraëibhir näbhyabja-kandäìkuräù |

te vakñaù-sthala-däritäsura-sarit-kéläla-dhäräruëäù

päyäsur nava-kiàçukämra-mukula-çré-säkñiëaù päëijäù ||202||

varähasya |

asra-srotas taraìga-bhramiñu taralitä mäàsa-paìkte luöhantaù

sthülästhi-bhaìgair dhavala-visalatägräsam äkalpayantaù |

mäyä-siàhasya çaureù sphurad-aruëa-håd-ambhoja-saàçleña-bhäjaù

päyäsur daitya-vakñaù-sthala-kuhara-saro-räjahaàsä nakhä vaù ||203||

mayürasya |

punantu bhuvana-trayaà dalita-daitya-vakñaù-sthala-

prasarpi-rudhira-cchaöäcchuraëa-bäla-sürya-tviñaù |

dåòhästhi-caya-cürëanäghaöita-çabda-särä harer

nåsiàha-vapuñaç ciraà piçita-piëòa-garbhä nakhäù ||204||

dhürjaöi-räjasya |

jayanti nirdärita-daitya-vakñaso

nåsiàha-rüpasya harer nakhäìkuräù |

vicintya yeñäà caritaà surärayaù

priyä-nakhebhyo’pi rateñu bibhyati ||205||

kasyacit (Srk 130)

42. çåìgäri-narasiàhaù

lakñmém uraù-parisare vahataù salélaà

yogäsanaà ca carato nåharer jayanti |

eka-kñaëopanata-mänmatha-bhäva-mugdha-

svätmävabodham asåëäni vilokitäni ||206||

kasyacit |

nyaïcat-kesaram uttaraìga-pulaka-sraì-naddha-mardha-skhalad-

dvandväläpam apästa-garjanam aöad-bhrü-bhaìgam ärdrekñaëam |

svidyat-päëi vinéta-dåpti-karajaà päyän nåsiàhäkåter

devasya çriyam aìka-sémni dadhato viçränta-raudraà vapuù ||207||

vaidya-gadädharasya |

svacchandaà vairi-vakñaù-sthala-kuliçabhido vékñya kandarpa-cäpa-

kréòäbhäjo nakhägrän sama-samaya-bhayänanda-loläyatäkñyäù |

lakñmyä vakñoja-kumbhaà karikalabha-çiraù-çaìkayä vékñyamäëaù

svairaà çäntäkñi-rägo jayati naraharir jäta-cittänurägaù ||208||

jalacandrasya |

avyäd vo vajra-säras-phurad-uru-nakhara-krüra-cakra-kramägra-

prodbhinnendräri-vakñaù-sthala-galad-asåg-äsära-käçméra-gauraù |

prasphürjat-keçarägra-grathita-jaladhara-çreëi-néläbja-mälyaù

süryäcandrävataàso naraharir asamäbaddha-çåìgära-lélaù ||209||

prajäpateù |

änanda-mugdha-nayanäà çriyam aìka-bhittau

bibhrat punätu bhavato bhagavän nåsiàhaù |

yasyävalokana-viläsa-vaçäd iväséd

utsanna-läïchana-mågaù kamalä-mukhenduù ||210||

umäpati-dharasya |

43. vämanaù

idaà präyo loke na paricita-pürvaà nayanayor

na yäcïä yat puàsaù suguëa-parimäëaà laghayati |

viçadbhir viçvätmä sva-vapuñi bali-prärthana-kåte

trapälénair aìgair yad ayam abhavad vämana-tanuù ||211||

vaìkasya |

apasara påthivi samudräù saàvåëutämbüni bhübhåto namata |

vämana-hari-laghu-tunde jagaté-kalahaù sa vaù pätu ||212||

bhavänandasya |

kutas tvam aëukaù svataù svam iti kià na yat kasyacit

kim icchasi pada-trayaà nanu bhuvä kim ity alpayä |

dvijasya çamino mama tribhuvanaà tad ity äçayo

harer jayati nihnutaù prakaöitaç ca vakroktibhiù ||213||

väkpateù | (Srk 114)

püjyo brahma-vidäà tvam eva vimala-jïänaika-pätraà bhavän

mad-bhägyena gato’tithitvam adhunä kià te tribhir bhüpadaiù |

trailokyaà bhavataà svam ity upagato daityeçvareëädaräj

jïäto’sméti salajja-namra-vadanaù päyäj jagad vämanaù ||214||

vasusenasya |

lakñmé-payodharotsaìga-kuìkumäruëito hareù |

balir eña sa yenäsya bhikñäpätrékåtaù karaù ||215||

gaëädhyakñasya | (Spd 278)

44. trivikramaù

kià chatraà kià nu ratnaà tilakam atha tathä kuëòalaà kaustubho vä

cakraà vä värijaà vety amara-yuvatibhir yad bali-dhvaàsi dehe |

ürdhvaà maulau laläöe çravasi hådi kare näbhi-deçe ca dåñöaà

päyät tad vo’rka-bimbaà sa ca danujaripur vardhamänaù krameëa ||216||

çré-hanümataù |

jyotiç cakräkña-daëòaù kñarad-amara-sarit-paööikä ketu-daëòaù

kñoëé-nau-küpa-daëòaù çata-dhåti-bhavanämbhoruho näla-daëòaù |

brahmäëòa-cchatra- daëòas tribhuvana-stambha-daëòoìghri-daëòaù

çreyas triavikramas te vitaratu vibudha-dveñiëäà käla-daëòaù ||217||

daëòinaù |

caïcat-päda-nakhägra-maëòala-ruci-prasyani-gaìgä-jalo

visphürjad-bali-räjyaa-näça-piçunotpätämbuväha-dyutiù |

pätu tväà caraëo hareù krama-vidhau yasyädhikaà dyotate

düräd aìguli-mudrikä-maëir iva sphäräìkuçajälo raviù ||218||

vikramädityasya |

yat käëòaà gagana-drumasya yad api kñoëé-taòägodare

devasyaiva yaço’mbu-çobhini mahä-yañöiù pratiñöhäkaré |

tad viñëoù padam antaräla-jaladher ädhärato bhütalät

päraà dyämupagantum udyamavatäà setübhavat pätu vaù ||219||

cakrapäëeù |

kharva-granthi-vimukta-sandhi-vikasad-vakñaù-sphurat-kaustubhaà

niryan näbhi-saroja-kuòmala-kuöé-gambhéra-sämaedhvani |

päträväpti-samutsukena balinä sänandam älokitaà

päyäd vaù krama-vardhamäna-mahimäçcaryaà murärer vapuù ||220||

väkpatiräjasya | (Srk 124)

45. paraçurämaù

diì-mätaìga-ghaöä-vibhakta-caturäghäöä mahé sädhyate

siddhä säpi vadanta eva hi vayaà romäïcitäù paçyata |

vipräya pratipädyate kim aparaà rämäya tasmai namo

yatraivävirabhüt kathädbhutam idaà yatraiva cästaàgatam ||221||

keçaöasya |

hä täteti na jalpitaà na ruditaà na svékåtaà tad dhanaà

na snätaà na ca vékñitaù parijanaù pitre na dattaà jalam |

yävan na krakacäbhighäta-vigalad-dämnäm aréëäm asåg-

gaëòüñair ghana-ghora-gharghara-raväù santarpitäù pheravaù ||222||

tasyaiva |

çauryaà çatru-kula-kñayävadhi yaço brahmäëòa-khaëòävadhi

tyägaù sapta-samudra-mudrita-mahé-nirväja-dänävadhiù |

vryaà yantu giräà na tat pathi nanu vyaktaà hi tat-karmabhiù

satyaà brahma-tapo-nidher bhagavataù kià kià na lokottaram ||223||

bhavabhüteù |

goträcära-viçeña-pära-gatayä våddhäbhir ädiñöayä

mäträ vastuñu teñu teñu viçada-nyasteñu dåñöeù puraù |

anna-präçana-väsare sarabhasaà vakñobharotsarpiëä

yenättaà dhanur ékñitäç ca jhaöiti kñaträvataàsä diçaù ||224||

keçaöasya |

triù-saptävadhi vädhitä kñitibhujäm äjanma vaikhänasaù

kartä mätå-vadhainasaù sa sakala-çruty-artha-véthé-guruù |

viçvasyäç ca bhuvaù kratau vitaritä çyämaka-muñöiàpaco

rämaù so’yam udagra-geya-mahimä käsäà giräà gocaraù ||225||

kasyacit |

46. çré-rämaù

çauryotkarña-tåëékåta-tribhuvano laìkä-patiù so’bhavat

käräyäm upaväsayan vijayate taà helayä haihayaù |

lélälüna-viçäla-tad-bhuja-vano’bhüj jämadagnyas tatas

taj-jetä janakätmajä-parivåòho rämaù kathaà varëyatäm ||226||

surabheù |

rämaù kasya na vismayäya manaso niùçaìkalaìkeçvara-

truöyan-mauli-siräsamucchalad-asåg-dhäränubandhena yaù |

tad-dor-vikrama-vidrutä daça-diço bhogäya bhümaëòale

samyag väsayituà praväla-ghaöitä yañöér udastambhayan ||227||

daìkasya |

märtaëòaika-kula-prakäëòa-tilakas trailokya-rakñämaëir

viçvämitra-mahämuner nirupadhiù çiñyo raghu-grämaëéù |

rämas täòita-täòakaù kim aparaà pratyakña-näräyaëaù

kauçayänayanotsavo vijayate bhü-kaçyapasyätmajaù ||228||

räjaçekharasya |

rämo nünam aayaà niçäcara-camü-kälägni-rudropamo

niùsandeham ayaà ca vikrama-nidhiù saumitrir asyänujaù |

väraà väram apäìga-bhäga-calitair yad dåñöi-pätair iyaà

laìkä-bhartur anékiné pitå-pateù päçair ivävadhyate ||229||

çré-mitrasya |

rämo’sau bhuvaneñu vikrama-guëair yätaù prasiddhià paräm

asmad-bhägya-viparyayäd yadi punaù devo na jänäti tam |

vandévaiña yaçäàsi gäyati marud yasyaika-bäëähati-

çréeëé-bhüta-viçäla-säla-vivarodgérëaiù çaraiù saptabhiù ||230||

viçäkha-dattasya |

47. virahi-çré-rämaù

sarasi virasaù prasthe duùstho latäsu gatädaraù

prati parisaraà bhräntodbhräntaù saritsu nirutsukaù |

dadad api dåçau kubje kubje rudann upanirjharaà

sucira-viraha-kñämo rämo na kari anurudyate ||231||

väsudeva-jyotiñaù |

niñpandaà giri-kandareñu vipina-cchäyäsu mürcchälasaà

säsraà païca-vaöé-taöéñu taöiné-téreñu tévra-vyatham |

käkutsthaà tad-avastham ädhividhuraà dåñövä taòid-vyäjato

manye manyu-bharair abhedi hådayaà gäòhaà ghanänäm api ||232||

vasurathasya |

anuvanam anuçailaà täm anälokya sétäà

pratidinam atidénaà vékñya rämaà virämam |

girir açanimayo’yaà yas tadä na dvidhäbhüt

kñitir api na vidérëä säpi sarvaàsahaiva ||233||

çobhäkasya |

ko’haà vatsa sa ärya eva bhagavän äryaù sa ko räghavaù

ke yüyaà bata nätha nätha kim idaà bhåtyo’smi te lakñmaëaù |

käntäre kim ihäsmahe bata våthä devyä gatir mågyate

kä devé janakädhiräja-tanayä hä jänaki kväsi me ||234||

kasyacit |

küjan kuïje kim api karuëaà kandare kändiçékaù

sänau çünya-praëihita-manäù känane dhyäna-netraù |

gacchan mürcchäà kusuma-çayane vétarägas taòäge

jéyäj jäyä-viraha-viduñäà grämaëéù rämabhadraù ||235||

äcärya-gopékasya |

48. haladharaù

suräpéto gotra-skhalana-parivåddhädhikaruñaù

prasädaà revatyä janayitum anéçaù katham api |

vicumban saàçliñyan stana-vasanam asyann avirataà

madhün mädäviñöaù sa kila balabhadro vijayate ||236||

lakñmédharasya |

äghürëad-vapuñaù skhalan-mådu-giraù kiïcil-lasad-väsaso

revatyaà saniñaëëa-niùsaha-bhujasyätämra-netra-dyuteù |

çväsämoda-madändha-ñaöpada-kula-vyädañöa-kaëöha-srajaù

päyäsuù parimantharäëi halino mattasya yätäni vaù ||237||

kokasya |

bha-bha-bhramati mediné la-la-landate candramäù

kå-kåñëa vavada drutaà ha-ha-hasanti kià våñëayaù |

sisédhu mu-mu-muïca me pa-pa-pa-päna-pätre sthitaù

mada-skhalitam älapan hala-dharaù çriyaù vaù kriyät ||238||

puruñottama-devasya | (Srk 127; Brs 2.4.37)

revaté-daçanocchiñöa-paripüta-puöe dåçau |

vahan halé mada-kñévaù päna-goñöhyäà punätu vaù ||239||

mägha-bhojadevayoù | (Sk 2.61)

bhramati dharaëé-cakraà cakre nabhas-tala-yantraëät

prabhavati na me gätraà kiïcit kriyäsu vidhürëate |

jaladhi-salile magnaà viçvaà vilokya revati

trijagad avatäj jalpann evaà halé mada-vihvalaù ||240||

mädhavasya |

49. buddhaù

käma-krodhau dvayam api yadi pratyanékaà prasiddhaà

hatvänaìgaà kim iva hi ruñä sädhitaà try-ambakena |

yas tu kñäntyä çamayati çataà manmathädéna-rätén

kalyäëaà vo diçatu sa muni-grämaëér arka-bandhuù ||241||

saìgha-çriyaù | (Srk 4)

pädämbhoja-samépa-sannipatita-svarëätha-deha-sphuran-

netra-stomatayä parisphuöa-milan-néläbja-püjä-vidhiù |

vandärutridaçaudharatramukuöotsarpat-prabhä-pallava-

pratyunmélad-apürva-cévara-paöaù çäkyo muniù pätu vaù ||242||

vasu-kalpasya | (Srk 15)

käruëyämåta-kandalé-sumanasaù prajïä-vadhü-mauktika-

grévälaìkaraëa-çriyaù çama-sarit-pürocchalac-chékaräù |

te maulau bhavatäà milantu jagaté-räjyäbhiñekocita-

srag-bhedä abhaya-pradäna-caraëa-preìkhaan-nakhägräàçavaù ||243||

çrédhara-nandinaù | (Srk 7)

çélämbhaù-pariñeka-çétala-dåòha-dhyänälaväla-sphurad-

däna-skandha-mahonnatiù påthutara-prajïollasat-pallavaù |

deyät tubhyaà avärtha-vérya-viöapaù kñänti-prasünodgamaù

succhäyaù ñaò-abhijïa-kalpa-viöapé-sambodha-béjaà phalam ||244||

tasyaiva | (Srk 8)

yadäkhyänäsaìgäd uñasi punate väcam åñayo

yadéyaù saìkalpo hådi sukåti-nämeva ramate |

sa särvaù sarvajïaù pathi nirapaväde kåtapado

jino jantün uccair damayatu bhavävarta-patitän ||245||

maìgalasya |

50. kalké

bhräntvä mahéà tata itas turagädhirüòho

veda-dviño vidalayan dalitäkhiläçaù |

devo nivartita-kaliù kåta-märga-darçé

kalkaà sa te haratu kalki-kule bhaviñyan ||246||

kasyacit |

vämanäd aëutamäd anu jéyäs

tvaà trivikrama tanübhåta-dikkaù |

véta-hiàsana-pathäd atha buddhät

kalkitähatasamasta namaste ||247||

çré-harñasya | (Nc 21.96)

kalké kalkaà haratu jagataù sphürjad-ürjasvi-tejä

vedoccheda-sphurita-durita-dhvaàsane dhümaketuù |

yenotkñipya kñaëam asilatäà dhümavat kalmañecchän

mlecchän hatvä dalita-kalinäkäri satyävatäraù ||248||

jayadevasya |

äghräëa-çravaëävaloka-nara-säsvädädayaç cumbana-

çraddhä väg viña-varñaëaà ca çiraso doñä ime yair janaù |

müòho laìghita-sat-patho’yam iti saàkruddhaù çaöhänäà haöhäd yaù

çérñäëi kåpäëa-päëir alunät tasmai namaù kalkine ||249||

kuladevasya |

térthänäà çatam asti kintu phalati çraddhäbharädity aser

dhärätérhtam apürvam eva kalayan kalké çiväyästu vaù |

yat präpyäkhila-veda-bhedaka-dhiyaù çraddhätiraskäriëaù

çakrasyätithayo bhavanti bhavaenñv enasvino jantavaù ||250||

kasyacit |

51. kåñëa-çaiçavam

kåñëenädya gatena rantu-manasä måd-bhakñitä svecchayä

satyaà kåñëa ka evam äha musalé mithyämba paçyänanam |

vyädehéti vidärite çiçu-mukhe dåñövä samastaà jagan-

mätä yasya jagäma vismaya-padaà päyät sa vaù keçava ||251||

kasyacit | (Skv 23, Spd 4016)

lélottäna-çayo’pi gopa-nivahair udgéyamäneñv ati-

prauòha-prauòha-muräri-vikrama-kathä-géteñu datta-çraväù |

kasmiàçcit kñubhitaù kuto’pi calitaù kuträpi romäïcitaù

kväpi prasphuritaù kuto’pi hasitaù präpto hariù pätu vaù ||252||

mahédharasya |

nyaïcann udaïcan bahuçaù kathaàcid

udaïcito vephathumän harir vaù |

devo’si devo’si sapäëi-tälaà

yaçodayoktaù prahasan punätu ||253||

kasyacit |

adhara-madhure kaëöhaà kaëöhe sacäöu dåçau dåçor

alikam alike kåtvä gopéjanena sa-sambhramam |

çiçur iti rudan kåñëo vakñaù-sthale nihitaç cirän

nibhåta-pulakaù smeraù päyät smarälasa-vigrahaù ||254||

diväkara-dattsya | (Pv 135; Brk 5.1751)

brümas tvac-caritaà tavädhijanani cchadmätibälyäkåte

tvaà yädåg giri-kandareñu nayanänandaù kuraìgé-dåçäm |

ity uktaù parilehana-cchalatayä nyastäìguliù svänane

gopébhiù purataù punätu jagatém uttäna-supto hariù ||255||

vanamälinaù | (Pv 135)

52. kåñëa-kaumäram

vatsa sthavara-kandareñu vicaran düra-pracäre gaväà

hiàsrän vékñya puraù puräëa-puruñaà näräyaëaà dhyäsyasi |

ity uktasya yaçodayä muräripor avyäj jaganti sphurad-

bimboñöha-dvaya-gäòha-péòana-vaçäd avyakta-bhävaà smitam ||256||

abhinandasya | (Srk 144, Pv 149)

çyämoccandrä svapiti na çiço naiti mäm amba nidrä

nidrähetoù çåëu kathäà käm apürväà kuruñva |

vyaktaù stambhän naraharir abhüd dänavaà därayiñyann

ity uktasya smitam udayate devaké-nandanasya ||257||

çatänandasya | (Srk 123; Pk 151 sarvänandasya; Brk 5.1761)

mä düraà vraja vatsa tiñöhati puras te lüna-karëo våkaù

potän atti iti prapaïca-caturodärä yaçodä-giraù |

äkarëyocchalad-accha-häsa-vikasad-bimbäbhadanta-cchada-

dvandvodéritad-anta-mauktika-maëiù kåñëaù sa puñëätu vaù ||258||

kasyacit |

kälindé-puline mayä na na mayä çélopaçalye na na

nyagrodhasya tale mayä na na mayä rädhä-pituù präìgane |

dåñöaù kåñëa itérite saniyamaà gopair yaçodä-pater

vismerasya puro hasan nija-gåhän niryan hariù pätu vaù ||259||

umäpati-dharasya | (Pv 148)

manthänam ujjha mathituà dadhi na kñamas tvaà

bälo’si vatsa virameti yaçodayoktaù |

kñéräbdhi-manthana-vidhi-småti-jäta-häso

väïchäspadaà diçatu vo väsudeva-sünuù ||260||

kasyacit |

53. kåñëa-svapnäyitam

çambho svägatam äsyatäm ita ito vämena padmodbhava

krauïcäre kuçalaà sukhaà surapate vitteça no dåçyate |

itthaà svapna-gatasya kaiöabha-ripoù çrutvä jananyä giraù

kià kià bälaka jalpaséty anucitaà thüthüt-kåtaà pätu vaù ||261||

mayürasya (KKA 2.59, Pv 146; Brk 5.1758)

dhérä dharitri bhäva bhäram avehi çäntaà

nanv eña kaàsa-hatakaà vinipätayämi |

ity adbhuta-stimita-gopa-vadhü-çrutäni

svapnäyitäni vasudeva-çiçor jayanti ||262||

abhinandasya | (Pv 147)

ete lakñmaëa jänaké-virahiëaà mäà khedayanty ambudä

marmäëéva ca ghaööayanty alam amé krüräù kadambäniläù |

itthaà vyähåta-pürva-janma-viraho yo rädhayä vékñitaù

serñyaà çaìkitayä sa vaù sukhayatu svapnäyamäno hariù ||263||

çubhäìkasya | (KK 2.69(70); Srk 131, Pv 252)

kälindé-pulinänta-vaïjula-latä kuïja kutaçcit kramät

suptasyaiva mithaù kathäjuñi çanaiù saàvähikä-maëòale |

vaidehéà daça-kandharo’paharatéty äkarëya kaàsa-dviño

huà huà vatsa dhanur dhanur iti vyagrä giraù päntu vaù ||264||

viriïceù |

nirmagnena mayämbhasi smara-bhayäd älé samäliìgitä

kenälékam idaà tavädya kathitaà rädhe mudhä tämyasi |

itthaà svapna-paramparäsu çayane çrutvä giraà çärìgiëaù

savyäjaà çithilékåtaù kamalayä kaëöha-grahaù pätu vaù ||265||

kasyacit | (Dr under 4.60, Pv 372)

54. kåñëa-yauvanam

sottäpaà jaratétbhir aphuöa-rasaà bäläbhir unmélita-

çväsaà veçma suväsinébhir adhikäkåtaà bhujiñyäjanaiù |

pratyagra-prakaöé-kåtärti kulaöä-särthena dåñöaà harer

avyäd vo nava-yauvanotsava-daçä-nirvyäja-mugdhaà vapuù ||266||

bhaööa-çäléya-pétämbarasya |

rädhäyäm anubaddha-narma-nibhåtäkäraà yaçodä-bhayäd

abhyarëeñv atinirjaneñu yamunärodholatä-veçmasu |

mandäkña-çlatha-vallavänukaraëa-kréòasya kaàsa-dviño

labdhaà yauvana-mätrayä vijayate gambhéra-çobhaà vapuù ||267||

abhinandasya |

vatsa tvaà nava-yauvano’si capaläù präyeëa gopa-striyaù

kaàso bhüpatir abjanäla-bhidura-grévä vayaà go-duhaù |
saiñänartha-parampareti bhagavaty äçaìktätikrame

kåñëe tad-vinayäya nanda-gåhiëé-çikñoktayaù päntu vaù ||268||

vardhamänasya |

ärüòhäntara-yauvanasya parito goñöhér anubhrämyatas

tat tat täsu manogataà sunibhåtaà saàvyäcikérñor hareù |

vegäd ucchalitäsphuöäkñara-daçä garbhästrapä-gauravät

pratyaïco valitä bhavantu bhavatäà kåtyäya väg-ürmayaù ||269||

cakrapäëeù |

ähütädya mayotsave niçi gåhaà çünyaà vimucyägatä

kñévaù preñyajanaù kathaà kulavadhür ekäkiné yäsyati |

vatsa tvaà tad imäà nayälayam iti çrutvä yaçodä-giro

rädhä-mädhavayor jayanti madhura-smerälasä dåñöayaù ||270||

çrémat-keçava-sena-devasya | (Pv 206)

55. hari-kréòä

iha nicula-nikuïje madhya-madhyäsya rantur

vijanam ajani çayyä kasya bäla-pravälaiù |

iti nigadati vånde yoñitäà päntu yuñmän

smita-çavalita-rädhä-mädhavälokitäni ||271||

(Pv 201)

kåñëa tvad-vanamälayä saha kåtaà kenäpi kuïjäntare

gopé-kuntala-barha-däma tad idaà präptaà mayä gåhyatäm |

itthaà dugdha-mukhena gopa-çiçunäkhyäne trapänamrayo

rädhä-mädhavayor jayanti balita-smerälasä dåñöayaù ||272||

lakñmaëa-sena-devasya | (Pv 202)

bhrüvallé-calanaiù kayäpi nayanonmeñaiù kayäpi smita-

jyotsnävicchuritaiù kayäpi nibhåtaà sambhävitasyädhvani |

garväd bheda-kåtävahela-vinaya-çré-bhäji rädhänane

sätaìkänunayaà jayanti patitäù kaàsadviñaù dåñöayaù ||273||

umäpati-dharasya | (Pv 259, RKAD 129)

vyäläù santi tamäla-valliñu våtaà våndävanaà vänarair

unnakraà yamunämbu ghora-vadana-vyäghrä gireù sandhayaù |

itthaà gopa-kumärakeñu vadataù kåñëasya tåñëottara-

smeräbhéra-vadhü-niòedhi-nayanasyäkuïcanaà pätu vaù ||274||

äcärya-gopékasya |

saìketékåta-kokilädi-ninadaà kaàsa-dviñaù kurvato

dväronmocana-lola-çaìkha-valaya-kväëaà muhuù çåëvataù |

keyaà keyam iti pragalbha-jaraté-väkyena dünätmano

rädhä-präìgaëa-koëa-koli-viöapi-kroòe gatä çarvaré ||275||

äcärya gopékasya (Pv 205; Brk 5.1159)

56. praçnottaram

rädhe tvaà kupitä tvam eva kupitä ruñöäsi bhümer yato

mätä tvaà jagatäà tvam eva jagatäà mätä na vijïo’paraù |